No. : 151/3-PP/2016 Pematangsiantar, 17 April 2016
Hal : TONAH PIMPINAN PUSAT GKPS BANI HARI BUMI TAHUN 2016
Hubani nahinormat :
Haganup Kuria GKPS
Tiba Pengantar Jemaat
Bani ianan ni bei.
Salam ibagas goran ni Tuhanta Jesus Kristus, Salam Tahun Penatalayanan ma hubanta haganupan.
Ibagas uhur na martarimakasih hubani Naibata Panompa anjaha marhasoman komitmen pasal
porluni manramotkon haganup na tinompa-Ni; bani Minggu Hari Bumi GKPS sadari on sihol do
padasonnami piga-piga tonah hubani nasiam hasoman sahaporsayaon i kuria on :
1. Ipataridahkon do bani Bibel, bahasa sagala tinompa na dong i atas tanoh on, aima hataridahan
ni habanggalon pakon hamuliaon-Ni Naibata. Marthin Luther pe ihatahon do, paboa Naibata
manuratkon Ambilan Namadear lang pitah bani Bibel, tapi dihut do bani hayu, bunga, hombun
pakon bintang. Dear do haganup itompa Naibata bani mungkahni janah malas do uhur-Ni
mangidah hinadearni ganup tinompa. (Psalm 19:2;24:1). Sadalan hujin, iparentahkon Naibata
do jolma manramotkon ampa manjaga hadearon ni haganup tinompa-Ni in (1 Musa 2:4b-8,15).
2. Pangkorhon ni dousa pakon hasurakahon ni hita jolma, dunia (bumi) iananta manggoluh
domma lambin maseda janah haganup do tinompa mangahapkon pakon mengalami dampakni.
Halani ai, Minggu Hari Bumi sadari on sihol do paingatkon hita pasal horja pandiloonta na
parlobei janah na terutama humbani mungkah ni dunia itompa, aima manramotkon tanoh on
pakon sagala na tinompa bahen hatotorsani pargoluhan pakon hasangapon ni Naibata.
3. Tahun Penatalayanan GKPS 2016 na idalani hita nuan, lang pitah marsuruh hita laho menata
horja pangidangion i tongah-tongah ni kurianta, tapi dihut do laho patorsahon haganup milik ni
Naibata na dob ihaporsayahon hubanta bani goluhta i tanoh on. Halani ai, selaku kuria ni Tuhan
ipagolpa do hita ase dihut martanggungjawab pakon mambere diri manjaga pakon menata
tanoh on pakon haganup isini ase lambin dear, atur janah banjei songon nahinarosuhkon ni
Naibata Panompa .
4. Halani ai marhitei semangat Minggu Hari Bumi sadari on, pataridahkon hita ma aksi nyata na
gabe hataridahan ni na dihut do hita manjaga kelestarian ni bumi khusus ni lingkungan
marhitei :
Mangkorjahon horja na tarbahen hita laho padearhon hubunganta pakon na tinompa
Totap manonggohon pasal lingkungan hidup bani ibadah atap kebaktianta
Padaohkon diri humbani sagala bentuk pemborosan janah gabe usihan pasal goluh na
berhemat.
Mengurangi pemakaian plastik pakon bahan-bahan na boi parsedahon lingkungan.
Selamat Hari Bumi janah selamat marhorja ma !
Salam pakon tonggo,
Pimpinan Pusat GKPS
Pdt. Martin Rumanja Purba, M.Si. Pdt. Dr. Paul Ulrich Munthe
E p h o r u s Sekretaris Jenderal
– Praeses Distrik I-IX
– Pengurus GKPS Resort
– File.


Artikel Lainnya:

Category: Berita, Distrik 1, Distrik 2, Distrik 3, Distrik 4, Distrik 5, Distrik 6, Distrik 7, Distrik 8, Download, Dsitrik 9, Pengumuman