TATA IBADAH PASSION 2016

TATA IBADAH PASSION GKPS TAHUN 2016

 TEMA:  Ibohali Manghobaskon Horja na Madear (2 Tim. 3:17)

SUBTHEMA:   Bohali ma Kuria in bani Ruhut-ruhut Horja na Madear ase Atur, Banjei, Marbanggal Ibagas Haporsayaon, Pangarapan ampa Holong na Humbani Kristus Jesus Raja ni Gareja in                (Kol. 2:19; Ep. 4:16; Mat. 25: 24-28)

 

  1. Persiapan Ibadah

 

  1. Kebaktian

 

  1. Votum – Introitus – Tonggo

P          :Riap ma hita jongjong! Ibagas goran ni Naibata Bapa, Anak pakon Tonduy Napansing sitompa langit pakon tanoh on. Amen.

Ham Naibatang-Ku, mase ma itadingkon Ham ahu,

K         :Mandaoh Ham humbani elek-elekku pakon humbani sora ni doruh-doruhku?

P          : Ham Naibatangku, dilo-dilo do ahu arian, tapi seng ibalosi Ham

K         : Borngin pe, tapi seng jumpah ahu hasonangan.

P          : Tapi Ham do Na Pansing in,

K         : Na marhotak i atas ni sipujion ni Israel

P          : Ham do ihatengerhon ompungnami,

K         : Tenger do uhur ni sidea Bamu, gabe ipaluah Ham do sidea

P          : Hu Bamu do sidea dilo-dilo, gabe maluah do sidea;

K         : Porsaya do sidea Bamu, jadi seng tarbador sidea;

P          : Sai ulang ma mandaoh-daoh Ham humbangku,

K         : Ai dohor do hasosakan, seng dong sipangurupi.

P          : Ambilankononku ma goran-Mu bani saninangku,

K         : Pujionku ma Ham i tongah-tongah ni kuria in

P          : Nasiam na mangkabiari Jahowa, puji nasiam ma Ia;

K         : Haganup ginompar ni si Jakob, pasangap ma Ia, mabiar ma nasiam    Bani, nasiam ginompar ni Israel

P          : Ai seng ongga ipahiri anjaha magigi Ia,

K         : Bani hadoyukon ni na madoyuk

P          : Anjaha seng ongga iponopkon bohi-Ni hu bani,

K         : Itangihon do sidea sanggah dilo-dilo Bani.

P          : Hun Bamu do harohan ni puji-pujianku i tongah-tonggah ni kuria na  banggal in,

 

K         : Galaronku ma bagah-bagahku i lobei ni sagala na mangkabiari-Si.

P+K     : (mandodingkon Haleluya No. 321:1)   Sai orod bai silangmu Jesus iananku, Bah tubuh mabaor ijin in ma inumonku Silangni Tuhankin in ma pujionku, Anggo das magira au in dodingkononku

P          : Martonggo ma hita!

Ham Tuhan Jesus, banggal ni in idop ni uhur-Mu bannami. Marunduk ni uhur do nuan hanami mardingat parmatei-Mu bani hayu silang halani dousanami. Ungkab Ham ma uhurnami laho manghargahon janah manghagoluhkon panghopkopon-Mu in bannami janah sai pargogohi Ham ma hanami marhitei Tonduy-Mu ase marhamubahon ni uhur hanami. Amen.

 

  1. Mandoding Haleluya No. 59: 1+4 “Ganupan na Tinompa”

Ganupan na tinompa roh nasiam manatap, hagoluhanmu on.

Gantung bani parsilang manaron hamateian, sol ingatonmu in tongtong.

Au on ronsi dousangku, seng targorani ahu,ibaen bueni in.             In do na pinorsan-Mu ijin, ale Tuhanku, marsipal Ham halani in.

 

  1. Liturgi I: Jesus i Getsemane

Prolog: Dob ai laho ma Jesus hu darat, hu Dolog Jetun, anjaha iirikkon susiaNi ma Ia. Sogop do pusok ni uhur ampa habulinsahon ibagas diriNi, halani ai ihatahon ma bani susianNi: “Pusok tumang do uhurHu, hira na matei do. Ijon ma hanima, anjaha puho ma hanima rap pakon Ahu.” Jadi laho ma Ia manrogop anjaha martonggo, nini ma: “Ham Bapa, anggo boi salpuhon Ham ma panginuman on humBangku. Tapi seng marguru hubani rosuhKu, tapi marguru bani rosuhMu do.”

Dob ai mulak ma Ia hubani susianNi, tapi tarpodom do susian ai jumpahSi, gabe nini ma dompak sidea: “Seng tarbahen hanima hape puho rap pakon Ahu pala sajam?”

Sahalak Bapa: Songon susian ai; gati do hita tarpodom ; tarpodom halani arta, tarpodom halani paruntolon, tarpodom halani sitaronon, tarpodom halani rosuh-rosuhta, tarpodom halani jabatan, tarpodom halani gogohni dunia on pakon na legan. Sanggah tarpodom ai hita, Jesus maruntol anjaha manaron laho mantaluhon hamateianNi sekaligus homa hamateianta. Halani ai ipuhoi do hita ase totap jaga. Ulang lalab tarpodom hita ibagas dousanta. Aha do na gati mambahen ham tarpodom gabe lupa bani Naibata? Piga jam do ham boi martahan jaga rap pakon Jesus ibagas goluhmu? Sirsir do ham puho janah jaga rap pakon Jesus?

(Saat teduh 2 menit)

P           : Riap ma hita mangindo.

K          : Ham Naibata, idop ma uhurMu bangku pardousa on.

 

  1. Mandoding Haleluya No. 61: 1, 3 “O, Ulu na Sab Daroh”

O, Ulu na sab daroh ibaen ugah-Mu in. Humbani janggar-janggar duri parsilang in O ulu hatunggungon hinan sihilapMu. Itaron Ham madorun; manombah au Bamu   Au on talup, o Tuhan manaron sisonin. Dousangku do iporsan Ham na tarsilang in Sai tonggor Ham, o Tuhan, au na ilobei-Mu. Anjaha patuduhkon hu bangku layak-Mu

 

  1. Liturgi II: Panorang Tartangkap Tuhan Jesus

Prolog: Sanggah i pohon na margoran Getsemane ai sidea, roh ma buei halak nabinobahon ni sada halak humbani susian na sapuluhdua ai. Ijumpahkon ma Jesus, laho manumahSi. Tapi nini Jesus ma dompakSi: “O, Judas, panummahan do hape ibahen ho mangondoskon Anakni jolma in?” Jadi itangkap tentara ampa kopala ni sidea ma Jesus, lanjar isangkut.

Sahalak Pemuda: Songon si Judas Iskariot, hita pe gati do mamakei topeng habujuron laho mangkorjahon dousa. Pamanganta mamuji Naibata tapi uhurta mamonopkon domdom, subil, ringis, sogam ni uhur pakon akal-akal hajahaton. Mangaku gabe susian ni Jesus janah mangirikhon Jesus, hape gati do hita manjual Jesus marhitei na mangkorjahon na lang hinarosuhkon-Ni.

(Saat teduh 2 menit)

P           : Riap ma hita mangindo.

K          : Ham Naibata, idop ma uhurMu bangku pardousa on.

 

  1. Mandoding Haleluya No. 384: 1+2 “Anggo Sai Tong Hupingkiri”

Anggo sai tong hupingkiri, pambahenankin Simbei do tong ganup tingki, seng margagan in Holongmu, Tuhan pangajamankin. Sai marpangulaki, Ham mangidah in Holongmu, Tuhan pangarapankin. Seng dong parsuhutan, pitah Ham do in Gijang uhur ampa latei, seng maronti in Uhur domdom ganup ari, sai na roh do in Holongmu, Tuhan pangajamankin. Sai marpangulaki, Ham mangidah in Holongmu, Tuhan pangajamankin. Seng dong parsuhutan, pitah Ham do in

 

  1. Liturgi III: Jesus Iboan hu Dolog Golgata

Prolog: Sanggah iboan sidea Jesus hu Golgota, itangkap sidea ma sada halak, na margoran si Simon, na hun Kirene, na roh hun jumani; hu bani ma ipaporsankon sidea silang ai, halani mangkatargompang Jesus mamorsan silang ai. Buei do halak humbani bangsa ai ampa puang-puang na mangirikhon-Si, marhoru anjaha tangis-tangis marhalani-Si. Jadi idompakkon Jesus ma sidea, nini ma, “Nasiam Boru Jerusalem, ulang ma Ahu tangisi nasiam, tapi diri nasiam ma tangisi nasiam ampa anak nasiam! Ai na roh ma arini, hatahonon ni halak ma ijai, ‘Martuah ma na lambang, ampa parinangon na so ongga tubuhan tuah, ampa na so ongga painumkon!’ Ijai ma hatahonon ni halak bani dolog, ‘Jobjobi ma hanami!’ ampa bani dolog-dolog, ‘Rungkubi ma hanami!’ Ai anggo sonon pambahenan ni sidea bani hayu na matah, bani hayu na masak, sonaha ma nani?”

Sahalak Inang: Songon puang-puang na mangirikhon Jesus, gati do homa itangisi hita sonaha parngitni sitaronon na maningon idagei Jesus mangidahsi mamorsan silang das hu dolog Golgata ampa angkula-Ni na ugahan. Hape namin dirinta sandiri do na patut itangisi hita, mardingat dousa pakon hasalahanta sandiri. Halani dousanta pakon halani dousa ni ginomparta ampa halani dousa ni haganup jolma, Jesus maningon manaron; itijuri, irehei, igotongkon hubani ranting duri, anjaha igantung bani hayu parsilang i Golgata. Iojur Jesus do hita ase manangisi dirinta sandiri janah isadarhon do hita ase manolsoli dousanta janah ase marhamubahon ni uhur hita anjaha roh hu Bani ase iburihi hita marhitei daroh-Ni na gabe pardameianta pakon Naibata, Bapa in.

(Saat teduh 2 menit)

P           : Riap ma hita mangindo.

K          : Ham Naibata, idop ma uhurMu bangku pardousa on.

 

 

 

Top of Form

  1. Mandoding Haleluya No. 65: 1-2 “Ambit Iuhir bai Uhurhu”

Ambit iuhir bai uhurhu bohiMu laho matei Ham Ambit hudingat, o Tuhan-ku, pangkopkopMu bangku naman Ai Ham do paluahkon ahu, dousangku do pinorsan-Mu Ham manambari naboritku, martuah  au halanin   Sai jalo Ham ma au Tuhanku , baen upah na tinaron-Mu Sihol ingaton ni uhurhu ganupan nabinahen-Mu Mangkopkop au pardosa banggal, ibaen holong ni atei-Mu Halani in tarbaen au sonang lao marayakkon huta-Mu

 

  1. Liturgi IV: 7 Parhataan ni Jesus sanggah iparsilangkon.

(Ibasahon Majelis Jemaat)

Prolog              :Jesus tarsilang hurang lobih onom jam. Mulai pukul sapuluh dua das hu pukul tolu sogop ma na golap hu sab tanoh on. Sanggah na iparsilangkon ai Jesus adong do pitu parhataan-Ni hun hayu parsilang ai. Sonon ma ihatahon Jesus:

Naparlobei       :“Ham Bapa, marpangulaki ma uhur-Mu, ai seng ibotoh sidea na binahenni ai!”

Napaduahon    :“Sintong do hatang-Kon bam, sadarion rap pakon Ahu ma ho i Paradeiso!”

Napatoluhon    :“Andin ma Inang, anakmu!” “Andin ma ambia, inangmu!”

Napaopathon   :“Eli, Eli, lama sabakhtani?” Artini, “Ale Naibatang-Ku, Naibatang-Ku, mase ma itadingkon Ham Ahu?”

Napalimahon    :“Horahan Ahu!”

Napaonomhon :“Domma salosei!”

Napapituhon    :“Ham Bapa! Hubagas tangan-Mu ma Huondoskon Tonduy-Hu.”

————————– PAHATA GIRING-GIRING (7 hali)————————–

(Sanggah marhata giring-giring ibasahon ma puisi lambat-lambat, anjaha saboini na mambasa puisi ai hun balik mimbar).

 

  1. Mandoding Haleluya No. 322: 1+3 “Durus darohni Jesus in”

Durus darohni Jesus in, i dolog Golgata.

Napaubahkon uhurmin, isasap dousamin

Isasap dousamin, isasap dousamin.

Napaubahkon uhurmin, Isasap dousamin.

DarohNi na madurus in, margogoh do tongon.

Gabe maluah bangsaMu, pansing homa tongtong

Pansing homa tongtong, pansing homa tongtong.

Gabe maluah bangsaMu, pansing homa tongtong.

 

  1. Liturgi V: Refleksi Sitaronon ni Jesus Mangkopkop Jolma
  2. Habileion, apas-apas, lansat ampa tijur; tali pakon tompas-tompas itaronkon Jesus paluahkon au na sombuh humbai tangan ni sibolis. Halani ai sai pujionku do goran-Mu.
  3. Bai gurung-Mu do ugah sanggah hona lonsing; parmalumni ganup ugah na bai uhurhu do in. Ham do jadi binuraan, au dapotan hagoluhan. Halani ai sai pujionku do goran-Mu.
  4. Ranting duri igotongkon bani simanjujung-Mu janah tolong ilipatkon laho pamarsik ulu-Mu. Itaron Ham do in marhalahon ni dousangku. Halani ai sai pujionku do goran-Mu.
  5. Tangan ampakon nahei-Mu itolpusi paku, jadi tiris ma daroh-Mu roh humbai parsilang in. Bah tubuh paridian bangku jolma na boritan do in. Halani ai sai pujionku do goran-Mu.
  6. Jesus do Sipagoluh tonduyhu, na mamunuh munsuhku in ma hamateian, ase maluah au anjaha parrupei bani hagoluhan na sadokah ni dokahni. Halani ai sai pujionku do goran-Mu.

 

  1. Mandoding Haleluya No. 426: 1-2 “Bai Panorang Tongah Ari”

Bai panorang tongah ari, sanggah reteng mataniari in ijin. Bai dalan na gok trurun naik, sai marhoih do Jesus in ijin. Ipaunduk pangkawah-Ni, sai iporsan do hayu pinarsilang in. Turak tumang do hadogas-Ni, sai itaron do lonsing-lonsing in. Seng ibuha pamangan-Ni, lao manulak sitaronon in. Nini do: “Ningon porsanon-Ku” Ai dousanta do pinorsan-Nin.   Sanggah na tarsilang Ia, nini do bai tonggo-Ni bai Bapa-Ni in. “Sai sasap dousa ni sidea, seng ibotoh nabinahen ni in” Dob dohor  ma panorang-Ni, makkip-akkip do parhosah-Ni in ijin.                  Ai nini do: “Domma salosei” Lanjar ondos bai Bapa Tonduy-Nin                  Hita patut manaronkon, hamarsikon tinaron-Ni in.

Aha do balos bahenonta, mangkargahon pangkophop-Ni in.

 

  1. Ambilan

 

  1. Mandoding Haleluya No. 427:1+2 “Na Gattung bani Parsilang”

(Patumpu Galangan)

Na gantung bani parsilang, Jesus in i golgata.

Padomuhon ganup jolma pakon Tuhan Naibata.

Ai hunjin do roh bah tubuh, hagoluhan banta in.

O ale ganup pardousa, tonggor haluahon min.

 

In ma holong ni Tuhanta, bai ganup dunia on.

Anak-Nin isuruh banta, paluahkon hita on.

Jesus dalan hasintongan, goluh na totap ijin.

Ra manaron parsahitan, bai hayu parsilang in.

 

Sai sombahkon ma pujian, halani holong-Ni in.

Ai isasap do dousanta, marhiteihon daroh-Nin.

Ronsi na marutang hosah, bani parsilang-Ni in.

‘Se manggoluh hita jolma, ronsi sadokahni in.

 

  1. Tonggo Panutup – Pasu-pasu

P    :Riap ma hita jongjong!

Haporsayai ma Jesus na domma matei manghopkop ham, ase maluah ham

K   :Ale Naibata, urupi Ham ma hanami manghaporsayai Anak-Mu Jesus Kristus, ase maluah hanami

P    :Domma itobus Jesus hita humbani dousanta, halani ai paubah hita ma uhurta, tundalhon hita ma dousa

K   :Ale Tuhan Jesus Kristus, urupi Ham ma hanami paubahkon uhurnami janah manundalhon dousa ase goluhnami lambin atur janah banjei.

P    :Holong ni uhur ni Naibata do na paluahkon hita humbani uhum pakon hamateian na sadokah ni dokahni.

K   :Ale, Tonduy Napansing, urupi Ham ma hanami manghaholongi Naibata pakon hasomannami jolma ase lambin marbanggal hanami ibagas haporsayaon, pangarapan ampa holong na humbani Naibata.

P    :Martonggo ma hita mangondoskon galanganta hubani Naibata… Amen

Riap ma hita martonggo marhitei tonggo na niajarhon ni Tuhan Jesus hubanta

P+K:Ham Bapa nami…

P   :Idop ni uhur ni Tuhan Jesus Kristus, pakon holong ni atei ni Naibata Bapa, ampa parsaoran ni Tonduy Napansing ma mangkasomani nasiam (hita) haganupan. Amen

Puisi

S A L I B

SALIB

Berdiri di antara bumi dan langit

Membentang dalam teriakan sakit

Sebuah kepasrahan yang menjerit

Oleh kematian sebelum bangkit

 

SALIB

Dibangun atas dasar pengorbanan

Di kelilingi hujatan dan umpatan

Tanpa adanya sebuah pembelaan

Tidak juga sedikitpun belas kasihan

 

SALIB

Sebuah pengorbanan yang menyelamatkan

Memulihkan hubungan manusia dan TUHAN

Memberikan pengharapan bagi yang terabaikan

Menyediakan hidup kekal dari sebuah kematian

 

 

 

 

 

Puisi

S A L I B

SALIB

Berdiri di antara bumi dan langit

Membentang dalam teriakan sakit

Sebuah kepasrahan yang menjerit

Oleh kematian sebelum bangkit

 

SALIB

Dibangun atas dasar pengorbanan

Di kelilingi hujatan dan umpatan

Tanpa adanya sebuah pembelaan

Tidak juga sedikitpun belas kasihan

 

SALIB

Sebuah pengorbanan yang menyelamatkan

Memulihkan hubungan manusia dan TUHAN

Memberikan pengharapan bagi yang terabaikan

Menyediakan hidup kekal dari sebuah kematian

 


Artikel Lainnya:

Category: Berita, Download, Pengumuman