DOWNOAD DISINI =>> tata ibadah Minggu wanita GKPS 2018

 

TATA IBADAH MINGGU WANITA GKPS/

HARI PEREMPUAN INTERNASIONAL

TAHUN 2018

TEMA:
Ibohali Manghobaskon Horja na Madear. (2 Timoteus 3:17)

 SUB TEMA:
Bobai ma kuria in gabe paridop ni uhur songon Kristus paridop ni uhur in tarlobih hubani halak na musil, na marsitaronon  pakon na ibagas odoh-odoh (Jeremia 29:7; Lukas 4:18-19).

 

  1. Persiapan
  • Marlajar lagu
  • Martonggo haganupan sagala sipartugas i konsistori

 

  1. Prosesi

Mandodingkon Haleluya No.  412: 1-2

Marodor na porsaya ganupan,

na laho misir hu parmingguan, damei do tongtong,

Tunggung jagiah do idahon,

Minar do bohini ganupan, damei do tongtong.

Talup janah pantun marpahean,

songon na laho hu parpestaan, damei do tongtong.

Rosuh tumang uhur maniru,

halani dear ni parlahou, damei do tongtong.

 

  1. VotumIntroitusTonggo
  2. Ibagas goran ni Naibata Bapa, pakon Tuhan Jesus Kristus ampa Tonduy Napansing, Sitompa langit pakon tanoh on. Amen

Marmalas ni uhur ma hanima rap pakon Jerusalem, anjaha marolob-olob ma mangidahsi, ganup hanima na marholong ni uhur bani! Marmalas ni uhur tumang ma hanima rap pakonsi, ganup hanima na marpusok ni uhur mangidahsi hinan. Haleluya, Puji ma Tuhanta.

P.K.      (mandodingkon: )

Haleluya, Haleluya, Haleluya, Haleluya, Puji Tuhan

Haleluya, Haleluya, Haleluya, Haleluya, Puji Tuhan

Puji Tuhan, Haleluya… Puji Tuhan, Haleluya

Puji Tuhan, Haleluya… Puji Tuhan, Haleluya

Puji Tuhan

  1. Martonggo ma hita!

Ham Tuhan Naibatanami, ibere Ham do malas ni uhur hubannami halani ai ihatarimakasihkon hanami do haganupan ari-ari ni goluhnami. Ibagas uhur na martarimakasih ipuji janah ipasangap hanami do goranMu, Tuhan marhitei kebaktiannami on. Urupi ham ma hanami ase lambin ibilangi hanami idop ni uhurMu hubannami. Tarpuji ma ham Tuhan sonari ronsi sadokah ni dokahni. Amen

  1. Mandoding Haleluya 306: 1-2

Huhamegahkon do in tongtong: Jesus Tuhanku rupeihu tongon; Au parsimada tinobus-Nin na pinabayu ni Tonduy in Marmegah-megah mandoding au, mamuji Jesus parholong in Marmegah-megah mandoding au, mamuji Jesus parholong in.                           Ondos ganupan na dear in, pasu-pasu-Ni na manggoki au   Songon doding ni malekat in, holong mamitah rap pakon au   Marmegah-megah mandoding au, mamuji Jesus parholong in   Marmegah-megah mandoding au, mamuji Jesus parholong in.

 

  1. Gantih ni Titah Na sapuluh
  2. Tangar hita ma gantih ni Titah na sapuluh in, aima na tarsurat bani Mateus 22:37-40. “Maningon haholonganmu do Tuhan Naibatamu humbani gok ni uhurmu, humbani gok ni tonduymu ampa humbani gok ni pingkiranmu. In ma titah sibanggalan anjaha na parlobei. Na paduahon on pe dos do pakon in: Maningon haholonganmu do hasomanmu doskon dirimu. Titah na dua on do manrimpun sagala titah pakon hata ni nabi-nabi.” Riap ma hita mangindo:
  3. Ham Tuhan Naibata sai pargogohi Ham ma ahu mangkorjahon HataMu ai. Amen.

 

  1. Mandoding Kasih Pasti Lemah Lembut

Kasih pasti lemah lembut, kasih pasti memaafkan

Kasih pasti murah hati, kasihMu kasihMu Tuhan

Reff:      Ajarilah kami ini saling mengasihi

Ajarilah kami ini saling mengampuni

Ajarilah kami ini kasihMu ya Tuhan

KasihMu kudus tiada batasnya

Dalahi:

Kasih pasti lemah lembut, kasih pasti memaafkan

Kasih pasti murah hati, kasihMu kasihMu Tuhan

Bersama sama : Reff.

 

 

Naboru:

Kasih pasti lemah lembut, kasih pasti memaafkan

Kasih pasti murah hati, kasihMu kasihMu Tuhan

Bersama sama : Reff.

 

  1. Tonggo Mangindo hasasapanni Dousa
  2. Riap ma hita jongjong!

Pasal hajongjonganta i lobei ni Naibata, apostel Paulus mangkatahon bai buku Rom:  Ai seng dong ubahni, sabonar haganup do sidea mardousa, anjaha seng dong sipujion i lobei ni Naibata.

 

 

Kuria Mandodingkon

 

 

P          Ihatahon HataMu bai buku Podah, “ulang ma ho marpangunsandeian bani pikkiranmu sandiri, hape gati hanami lupa Tuhan, pasal sura-suraMu hubannami. Hotop do hanami mambogei age mangajarhon pasal HataMu, tapi gati do hanami lolei bai hasintonganMu

  1. Halak na magigi bani habotohan anjaha seng ipilih biar bani Jahowa, panganon ni sidea do buah ni parlahouni anjaha bosur sidea bani ranggianni. Ibotoh hanami do hata habonaran tapi lang manggoluh hanami ibagas haboranaran in. Gati do hanami marsahap: “Jahowa do Ia, ibahen ma barang aha na madear nini uhurNi”.

 

 

 

 

 

  1. Gati do hanami holsohan pasal goluhnami, aha ma panganonnami, aha ma inumonnami, aha ma parhiouonnami agepe ibotoh hanami sipajuh begu-begu do na mangkaporluhon sisonai ai, hansi pe ibotoh Bapanami na inagori atas ai do na porlu bannami.
  2. Gati do pasambor-samborhon hasoman na legan hanami marhitei hata-hata, anjaha seng sonang uhurnami singgan sonai tumang, manjua do hanami manjalo saninanami. Gati do hanami ikuasai pardagingon. Manggoluh hanami ibagas parsimburuan ampa parsalisihan.

 

 

 

 

 

  1. Tangar hita ma hata ni Naibata na gabe bagah-bagah pasal hasasapan ni dousa; “Jahowa, Jahowa do Naibata pardear layak anjaha paridop ni uhur, nanget manringis, anjaha gok holong ni uhurNi pakon habonaronNi, na pahotkon holong ni uhurNi hubani halak manribu-ribu, anjaha namanasap hajahaton, panlanggaran pakon dousa. Hasangapon ma bani Naibata na i babou.

P.K.      Amen                                                                                          (hundul Kuria)

 

  1. Mandoding Haleluya 148: 1-3

Layak do Ham mambere au , O Jesus Tuhankin, Ihutkon Ham daoh pe au, mambuat uhurhin.             Pardousa na banggal do au, pansing do anggo Ham;                   Sai bai na dorsa laho au bai na jahat naman .                         O Tuhan, husopotkon ma ganupan dousangkin;                               Holong ma Ham, sai sasap ma, Bamu ma tonduyhin.

 

  1. Perenungan “Hasaksianni sahalak inang hun Kuria GKPS Sigodang” (Pengurus Wanita GKPS tahun 1968an) — ibasahon sahalak inang

Isobut do sonari jaman now, jaman na maju serba teknologi tinggi. Serba online do haganupan janah serba cepat. Ise na lambat bai horja age bai aha pe in hatadingan do. Lang pitah hatadingan tapi mangkorhon harugian banggal do banta. Beda do tantangan ni nasiam inang sondahan on pakon tantangannami nasapari.

Nadingat do pe na hinan bani na marari kamis hanami Wanita GKPS Sigodang ija lang tarlanglang hanami halani na maranggi etek. Irik do diri marombah (menggendong anak) hu partumpuan. Kuria na sada pakon kuria na legan daoh do jarakni apalagi marresort hu GKPS Merek Raya ope bani panorang ai janah jarak tempuh 7 kilometer bahkan 10 kilometer. Tapi idalani hanami do ai irik marombah, sambil marsahapi pakon hasoman manuju hubani ianan partumpuan sa-resort manlopusi lombang. Ijolom hanami do hata ni Tuhan na mangkatahon; Ai pe, nasiam sanina na hinaholongan, totap ma nasiam, ulang mubah-ubah, anjaha lambin surung ma ibagas horja ni Tuhan in, ai ibotoh nasiam, sedo na soya halojaonnasiam ibagas Tuhan in.

Pangurus Wanita ma au bani panorang tahun 1968 ai i GKPS Sigodang. Anggo Bapa sinrumahnami lang mandukung horja pangidangionku bahkan ra do manggila ia. Anggo dapot ma ari Kamis dob honsi mangan siang hu oloshon ma mangkorjahon horjakku i juma ase roh bolag ni dapot au ase anggo parmisi pe au bai Bapa sinrumahku ulang igilai au, sonai ma nini uhurhu. Tapi nini uhurhu Domma Monang Kristus mantaluhon kuasa ni dunia on, monang do homa hita mantaluhon sipanlanglangi sonai age kuasa kuasa na boi mangagou hita age pasal rayoh pe.

Halani horja ni Tuhan in do, lang adong pala nipikkiran magou ari-ari diri. Halani ai haringgaskon hita ma horja ni Tuhan in sai ipargogohi ma hita mangkorjahon horja-Ni. Ibagas na marmalas ni uhur ma hita mangidangi Tuhan in. Anggo na marsitaronon halani mangirikkon Tuhan in do, marguna tumang do in. Janah anggo totao do janah lambin banggal do pambotohta pasal Tuhan in, boi do ilopusi janah italuhon hita ganup paruntolon in.

Wanita aima selaku inang i rumah tangga; halani ai gabe hitei ni pasu-pasu ma hita ibagas na manogu-nogu kuria sonai homa age rumah tangganta bei. Pakeihon hita ma kemajuanni teknologi on padorashon horja pangidangion janah tongtong ma hita sai ringgas mangkorjahon horja ni Tuhan. Tarpuji ma Tuhanta!

 

  1. Mandoding Haleluya 299 : 1-2

Domma i hopkop Tuhanku tonduyhu ase maluah tonduyhu tongtong

Domma isasap Tuhanku dousangku ase manggoluh tonduyhu tongtong

Malas uhurhu megah uhurhu lao pasangapkon Tuhan bai goluhkon.

Nai ma hapeni holong ni ateiNi hita pe patut marholong tongtong

 

 

Domma ipilih Tuhanta ge hita, lao manaksihon holongni tongtong.

Domma isuruh Tuhanta ge hita, lao mangkatahon Hata-Ni tongtong.

Laho ma hita misir ma hita, mangambilankon Tuhan parholong in.

Ase maluah homa hasomanta, gabe manggoluh bai Tuhanta in.

 

  1. Manaksihon haporsayaon                                (jongjong kuria)

 

  1. Acara Khusus
  • Mambasa Surat Tongosan
  • Mambasa Puisi

 “Doa  Ibu”

(Karya. Pdt. Mannes Purba)

Dalam kegelapan malam…

Teriakan tipis menembus keheningan …

Sambil bersujud … berdoa … menuangkan angan  …

 

Tuhan … berilah aku lebih bijaksana …

Untuk menuntun anak anakku seturut dengan kehendakMu …

Buatlah anak-anakku memikirkan masa depannya lebih baik dariku …

 

Tuhan aku tidak bisa menjaga anak-anakku bila mereka jauh dariku …

Biarlah mereka berpedoman pada FirmanMu ya Tuhan …

Jadikan mereka yang takut padaMu Tuhan …

 

Anak-anakku … kami tidak menuntut banyak …

Kami hanya menginginkan … engkau seorang yang bijaksana

Dan setia kepada perintah Tuhan …

Betapapun letihnya hidup kami, …

Bila anak-anak semua bijaksana dan takut akan Tuhan …

Itulah berkat yang luar biasa hadiah yang kami terima dari Tuhan…

 

Tuhan,… jadikanlah anak-anakku kuat …

Ketika dalam pergumulannya …

Jauhkan anak-anak kami dari narkotika dan obat-obat terlarang Tuhan…

Jauhkan anak-anak kami  dari pergaulan bebas …

Memiliki harga diri yang sehat dan bermartabat…

Menjadi berkat bagi bangsa dan negara …

 

Borungku … engkau kelak akan jadi Inang …

Anakku … engkau kelak akan jadi Bapa …

Engkau akan merasakan bagaimana seorang Inang dan Bapa

Yang punya impian kepada anak-anaknya …

Cinta seorang Ibu tak pernah pudar ditelan masa …

Cinta seorang Ibu tetap bersinar selamanya …

 

  • Koor Wanita GKPS
  • Tonggo Syafaat

 

  1. Mandoding Haleluya 250: 1,3,4,6

Haholongan na mapansing humbai Jesus Tuhankin;

Sai sogopi sai masuki uhur pakon tonduyhin.

Hasonangan, hadameian, na roh humbai Jesus in;

Sai pahosah au na loja, ase jorei uhurhin.

Sai palumbang Ham uhurhu, bai ganup hasomankin;

Ase sai ringgas uhurhu, lao manasap dousaniin.

Haholongan humbai Jesus, sai parborsih uhurhon.

Tong sai usir ganup tikas, ‘se borsih tong tonduyhon.

 

  1. Ambilan : Johannes 15 : 9 -17

 

  1. Galangan (Agenda Model A)

 

  1. Tonggo Panutup – Galangan – Pasu-pasu (Agenda Model A)

 


Artikel Lainnya:

Category: Tata Ibadah