download disini =>>KEMITRAAN 2018

 

 

TATA IBADAH MINGGU KEMITRAAN TAHUN 2018 

MINGGU ROGATE, 06 MEI 2018

TEMA:
Ibohali Manghobaskon Horja na Madear. (2 Timoteus 3:17)

SUB TEMA:
Bobai ma Kuria in Gabe Paridop ni Uhur Songon Kristus Paridop ni Uhur in Tarlobih Hubani Halak na Musil, na Marsitaronon  pakon na Ibagas Odoh-odoh (Jeremia 29:7; Lukas 4:18-19).

 

  • Penjelasan Acara
  • Petugas/Pelayan Kebaktian martumpu i konsistori

 

Saat Teduh

Prosesi Memasuki Ruang Ibadah,

(kuria mandodingkon Haleluya No. 299.1-2)                                                (Jongjong Kuria)

       Domma ihopkop Tuhanku tonduyhu  ase manggoluh tonduyhu tongtong

Domma isasap Tuhanku dousangku ase manggoluh tonduyhu tongtong

Malas uhurhu megah uhurhu lao pasangapkon Tuhan bai goluhkon

Naima hapeni holong ni ateiNi hita pe patut marholong tongtong

 

Jolom hataNi sai jalo TonduyNi, ulang be ganggang humbai Tuhan in.

Ulang be holang martonggo hu Bani , ai do gogohta bai horja Ni in

Ulang mabiar, ulang be gobir lao mantaluhon gogoh ni setan in

Tenger uhurta hubani Tuhanta ihasomani do hita tongtong

 

  1. Votum – Introitus – Tonggo
  2. Ibagas goran ni Naibata Bapa, pakon Tuhan Jesus Kristus ampa Tonduy Napansing, Sitompa langit pakon tanoh on. Amen

Tonggor ma, naha dearni ampa naha jengesni, anggo rap hundul na marsanina.

  1. K. Pardear layak do Jahowa bani haganup  anjaha holong do ateiNi bani haganup jadi-jadian-N
  2. Ai pe nasiam sanina na hinaholongan ni uhurhu, songon totap ni pambalosion nasiam nasain dokah, marhasoman biar pakon gobir ma haporluhon nassiam haluahon nasiam
  3. K. Anggo tarbahen sibar na tarhorjahon nasiam, mardamei ma nasiam pakon haganup halak.
  4. Marsiurupan ma nasiam mamorsan na borat in, ai marhiteihon ni in idalankon nasiam do  titah  ni  Kristus
  5. K. Pardiatei hita ma samah hita  ase marsiojuran hita mandalankon holong ampa horja  na madear
  6. Habasaron nasiam ai sihol ma talar bani haganup halak. Dohor do Tuhan in!
  7. K. Anjaha ulang ma tadingkon hita partumpuanta, tapi lambin marsipagolpaan ma  hita, halani lambin dohorma ari ai ididah hita
  8. Haleluya….Haleluya….Haleluya….
  9. K. (mandodingkon) Haleluya, Haleluya, Haleluya
  10. Martonggo ma hita

Ham Tuhan Naibata Bapanami paridop ni uhur na tarsulur. Domma ipasirsir Ham haluahon ampa hagoluhan marhiteihon panghophopon-Mu marhitei Anak-Mu Jesus Kristus Tuhannami. Ai Ham do na tongtong manramotkon pardalanan ni kuria-Mu mambahen boi totap patalarhon holong-Mu in i tongah-tongah ni dunia on. Puhoi ham ma uhurnami ase tongtong ihagoluhkon hanami holong na pinaondos-Mu in marhitei goluh na marparparsaoran pakon hasoman nami jolma. Urupi Ham ma hanami ase parsimada janah ibere hanami dirinami bani horja kemitraan, na gabe dalan-Mu mamasu-masu hanami  kuria-Mu.  Bani ranggian ni parsombahon pakon pangidangionnami sadari on, goran-Mu ma na marsangap. Ibagas Jesus Kristus Tuhannami,  ipadas hanami tonggonami. Amen.                                                                                          (Hundul kuria)

 

  1. Mandoding Hal No. 350:1+3

       Holong na humbani Tuhan, na roh humbai Jesus in

Sai totap do marsinondang holong ni Tuhanta in

Sai sondangkon ma holong-Ni das bai hagolapan in

Ase haganup pardousa ipaluah Naibata

 

Sai saksihon ma holong Ni, bai na laho magou in

Patuduhkon ma rosuh Ni; se maluah ganup in

Sai sondangkon ma holong-Ni das bai hagolapan in

Ase haganup pardousa ipaluah Naibata

 

  1. Gantih ni Titah
  2. P. Tangar hita ma Hata ni Naibata gantih ni Titah na sapuluh in, na tarsurat bani: Johanes 15:10, “Anggo ihorjahon hanima titah-Ku, marianan ma hanima ibagas holong ni uhur-Hu, songon Ahu na mangkorjahon titah ni Bapa, gabe marianan ibagas holong ni uhur-Ni,”

              Riap ma hita mangindo.

P+K.    Ham Tuhan Naibata pargogohi ham ma ahu mangkorjahon Hata-Mu ai. Amen

 

  1. Mandoding Hal No. 298: 1-2

Ai namarsanina  hita on hape.

Lang be marnamubah barang ise pe

Legan bei hatanta ‘ge tanoh ta pe.

Sada do Bapanta dingat hita bei

 

Sada do Bapanta Sipagoluh in.

Mansarihon hita sadokah ni in

Haganup goluhta ‘ge bohalta pe.

Sada do Bapanta pasirsirhon in

 

  1. Hasasapan ni D
  2. Riap ma hita jongjong!

Ibagas toruh ni uhur pakon gok panolsolion roh ma hita hubani  Tuhan parholong in. Martonggo ma hita mansopotkon dousanta:

Ham Tuhan Naibata Bapanami paridop ni uhur hubani jolma pardousa. Domma iberehkon ham Anak-Mu Jesus Kristus gabe jolma anjaha manaron hahirion ampa hadoyukon, pala matei tarsilang laho manghophop hanami anjaha mulak manggoluh, naik hu nagori atas laho mangapiti hanami. Marhiteihon ni ai patut do namin hanami mamakei idop ni uhur-Mu  in laho pataridahkon holongMu bani goluhnami i dunia on.

  1. Hape Tuhan, gati do lang iahapkon hanami banggal ni panghophopon-Mu in bennami, janah gati do lang ihargahon hanami holong-Mu ibagas parsaorannami. Tuhan Holong ma ham bennami.
  2. Ham Tuhan Naibata Bapanami, tangkas do ididah Ham torus das hubagas uhurnami. Ham do na patubuhkon hasintongan, hapintoron ampa hapansingon ibagas hadirionnami. Tapi gati do seng ihaholongi hanami ham marhitei na na lang pataridahkon holong hubani hasomannami. Goluhnami seng romban hubani hasintongan, hapintoron ampa hapansingon, na dob isuanhon Ham ibagas dirinami.
  3. Ham Tuhan, domma ihatahon Ham hu bennami, ase ihaholongi hanami hasomannami doskon dirinami. Hape bani pargoluhnami ari-ari, gati do seng jumpah Ham in humbennami. Gati do hanami mardomdom, marsubil ronsi marmapas ni uhur dompak hasomannami. Tuhan holong ma Ham bennami.
  4. Ham Tuhan Naibata Bapanami pardear layak anjaha parholong ni uhur hu bennami. Domma ihatahon Ham ase totap hanami marhasadaon, manggoluh ibagas damei ampa marsihaholongan. Hape gati do hanami margoluh ampa marpambahenan na so iharosuhkon Ham.
  5. K. Tongon, hurang sirsir do hanami pasingatkon hasoman bani parlahou na hurang dompak hanami. Gati pambahenannami, parsahapnami mambobai hasoman hubani na hurang dear. Gati hanami mamakei hasoman padaskon sura-sura ni uhurnami tumang. Tuhan holong ma Ham bennami.
  6. I tongah-tongah ni parsaorannami i dunia on pe gati do hanami lang parduli hubani hasomannami jolma. Hotop do hiranan hasoman, na mangarapkon pambahenan na madear humbennami. Hurang sirsir do hanami manjalo pardearan humbani hasoman. Habasaron halayakon, pakon lumbang ni uhur, gati do lang jumpah bennami. Hurang sirsir mangarusi pingkiran ni hasoman parsahap pakon pambahenannami pe gati do paroh ringis ni hasoman.
  7. K. Tuhan, gati do tongon hanami gagal bermitra pakon hasomannami halani dorasan do rasa curiga ibagas uhurnami dompak hasoman. Hurang sirsir do hanami mangurupi hasoman na marhahurangan. Hurang do hanami manonggohon hasomannami. Hurang ringgas do hanami  mangapohi halak na ibagas pusok ni uhur, patoguhkon halak na ibagas hagalekon pakon pandoleian. O Tuhan maidop ma ham bennami marhitei haganup hadousaonnami na buei in.
  8. Holong ma Ham Tuhan, tangihon Ham ma tonggonami on marhitei Jesus Kristus Tuhannami. Amen

Tangar hita ma Hata ni naibata bagah-bagah pasal hasasapan ni dousanta. Anjaha manghophop haganup do Ia matei, ase ulang manggoluh bani dirini bei na manggoluh in, tapi ase manggoluh sidea Bani, na dob matei anjaha mulak manggoluh manghophop sidea. Hasangapon ma bani Naibata i babou!

 

K       :  (mandodingkon)

               (hundul kuria)

  1. Mandoding Haleluya No. 217: 1+3+4

Haganupan na sauhur mangindahi damei in.

Dompak Jesus na pabulus holong ni uhurta in.

Ai Tuhanta do ulunta, hita pagori-Ni in.

Tuhan Jesus do gurunta, hita susian-Ni in.

 

Sai pasada Ham, o Tuhan, ganup na porsaya in.

Ase marsihaholongan, domu bai titah-Mu in.

Marhiteihon hasintongan, in do tong ipindo Ham.

Sai padomu Ham hasoman, na dob isondangi Ham.

 

Sai pasada Ham hanami, doskon Ham bai Bapa in.

Ase ulang hun bannami lao bai hakahouon in.

Ham do tong usihannami, bani horja in ganup.

In do tandani hanami, susian-Mu do ganup.

 

  1. Mambasa Sibasaon Minggu
  2. Tangar hita ma hata ni Naibata na tarsurat bani : Jakobus 1: 2-8

Nasiam sanina, hira nasiam ma in malas ni uhur tumang, anggo madabuh nasiam hubagas bagei ni parlajouan,

  1. K. anjaha botoh nasiam ma, na mangkorhon hasabaron do parlajouan na hubani haporsayaonnasiam.
  2. Anjaha hasabaron ai mangkorhon horja na gokan dear, ase gabe gokan dear nasiam, seng dong sihataon anjaha seng marhahurangan.
  3. K. Tapi anggo adong i tongah-tongahnasiam na hurangan bani hauhuron, ipindo ma ai hubani Naibata, na layak mambere bani haganup, anjaha seng marpangayah, jadi bereon-Ni ma ai hubani.
  4. Tapi ibagas haporsayaon ma ia mangindo, ulang bungbang, ai halak na bungbang uhur usih do ai hubani gilumbang ni laut, na pinalindak-lindak anjaha nionjar ni logou.
  5. K. Ulang ma iagan uhur ni halak sisonai, adong jaloonni atap aha humbani Tuhan in,
  6. ai halak na mardua uhur, na geor do ai bani haganup dalanni. Amen. Martuah do na manangar Hata ni Naibata anjaha na marimbagashonsi!
  1. K. (mandodingkon)
  2. Mandoding Hal No. 348: 1-3

Sauhur sapanriah ma, ganup kuria in.

Marhasadaon na dear, ibagas Tuhan in.

Riap ma hita haganup, mamuji Tuhan rup.

Mardamei marsiurupan, marsihaholongan.

 

Hasadaon totap toguh bani onjolan in,

ai ma haporsayaonni si sada Tuhan in.

Sada bai pandidion in na hunbai Bapa in,

ai ganup na porsaya da, mamuji Ham Tuhan.

 

Ipasu-pasu Tuhan in ganupan hita on,

ase pongkut ma uhurmu marhorja pe ringgas.

Patoruh uhurmu homa bai Tuhan Naibata,

totap bani hata-Ni da, ibagas holong in.

 

  1. Refleksi Kemitraan
  2. P. Sihol ni uhurni Tuhan Jesus aima ase torus ijaga hita hasadaon in ibagas goluhta, ai do tonggo-Ni. Nini, “Ahu ma ibagas sidea, anjaha Ham ibagas Ahu, ase gok dear ni hasadaon ni sidea, gabe ibotoh dunia on, Ham do na marsuruh Ahu anjaha na holong do uhur-Mu bani sidea, songon holong ni uhur-Mu Bangku”. Ondos-ondos do on ase ihagoluhkon hita hinaporluni hasadaon ai.
  3. K. Haporluhon hita ma hasadaon, ai marhiteihon ni in lambin bolag do nolih na boi sihobaskononta. Marhiteihonni hasadaon in do homa ipataridahkon hita buah ni haporsayaonta ase boi haganupan hasoman jolma mangahapkon holongni Tuhanta.
  4. Mandalankon harosuh ni Naibata boi do ihorjahon hita marhitei kemitraan pakon halak na legan, hubani hasoman Kristen age pe hubani hasoman na marbeda suku, bangsa, budaya, adat, bahasa, hasomalan, status sosial, age pe agama. Lang adong jolma na boi manghorjahon ganup sahalaksi. Bani ganup rumang ni goluh on ihaporluhon hita do hasoman laho saling mangisi ampa saling marsiurupan.
  5. K. Marmitra ma hita, marsiurupan ma hita laho pataridahkon bahasa sisada pandiloon do hita ibagas Kristus Sipaluah in. Marhiteihonni hamajuan ni jaman on domma lambin roh urahni laho membangun kemitraan. Halani ai pakeihon hita ma tehnologi na torus berkembang on laho mambangun hasadaon ai.
  6. Kemitraan ibagas kuria in marbingkas do homa ai bani hinaporluni keteraturan pakon kerjasama ibagas pengidangion ase tercapai keharmonisanni pangidangion. On do homa na porlu ihagoluhkon hita selaku pelayan i tongah-tongah ni kuria in, marsada ni uhur bani horja in janah mandalankonsi domu hubani tanggungjawabni bei.
  7. Dihut ma hita parsimada bani kemitraan in laho padoraskon pardalan ni horja pangidangion i kuria in. Martangkap tangan ma hita domu hubani potensi na adong banta bei ase tongon gogoh pangkorhonni hasadaon ai.
  8. Tahun on 115 tahun ma dob das Ambilan Na Madear i Simalungun on. Maningon akuhononta do bahasa hatotorsa ni pardalanan ni GKPS na sain dokah, lang hasirangan humbani dukungan ni mitra-mitra ni GKPS. Lambin pataridahkon hita ma homa tongon kemitraan in bani na i pestahon hita Jubileum 115 Ambilan Na Madear bani tahun on.
  9. Tarpuji ma Tuhan na marmudumudu kuria-Ni GKPS na sain dokah. Pataridahkon hita ma tongon kemitraanta in bani Tahun Diakonia GKPS tahun on. Gabe paridop ni uhur ma hita tarlobih hubani halak na musil, na marsitaronon pakon na ibagas odoh-odoh.
  10. Hita haganupan, domma buei idaihon hita buah ni kemitraan in. Torus ma hita pataridahkon hasadaon ibagas holong hubani haganupan jolma. Ai Kristus do ulunta na marsuruh hita ase sada haganup. Salam Kemitraan ma banta!
  11. Marsisalaman ma hita, hatahon hita ma hubani hasomanta:

Ham do mitraku. Ahu ma mitramu. Marsihaholongan ma hita

             (Kuria marisasalam-salaman)

 

 

 

  1. Mandoding Hal No. Hal No. 446:1-2

Sisada angkula do hita ganupan, ragam ni pagori do hita tongon

Na sombuh bayak dos do in bani Tuhan seng dong ilioi isarihon do tong

Tuhanta do na gabe Hayu anggur, rantingni do hita on hajojor

Jolom ma Jesus ulang ham pandur, ase tabun marbuah na ramos

 

Tanda ni sisada angkula do hita, rap marpangarapan bani goluh on

Nai do bani horja rap marsiurupan, ulang dong na marsidalian ijin

Tuhanta do na gabe hayu anggur, ranting-Ni do hita on hajojor

Jolom ma Jesus ulang ham pandur, ase tabun marbuah na ramos

 

  1. Manaksihon Haporsayaon          (jongjong kuria)
  2. P. Saksihon hita ma haporsayaonta in, songon na sinaksihhon ni haganup halak na porsaya bani sab dunia on.
  3. Ahu porsaya… pst

 

  1. Acara Khusus:
  2. Mambasa Tonah ni Pimpinan Pusat GKPS
  3. Tonggo Pangapition.

 

  1. Mandoding Hal No. 207:1-3

Bere ham ma hatorangan, hapentaran mangarusi Hata-Mu

ampa mata na mangidah pakon uhur na mambotoh dalan-Mu

Ase tongtong mandompakkon, bohi-Mu hanai mardalan

ase igomgomi Tonduy-Mu hanami.

 

Sai ajari Ham hanami, na tongtong ibagas haotoon in.

Sai porsaya ma hanami, Ham tumang do hagoluhannami in

Roh dokahni, roh dohorni, uhur-Mu bai uhurnami

Sai sadalan pakon Hata-Mu hanami

 

Sai martuah ganup hita, na mambahen Jesus arihanni in

Ambit sai tongtong ra hita, martenger ni uhur bai Tuhanta in

Ham, o Jesus, sai patoguh hanai na i parporangan

ase jumpah bai ujungni hamonangan

 

  1. Ambilan: 2 Musa 32:7-14

 

  1. Manggalang (Agenda GKPS Model A)

(Sada kantong galangan untuk Dana Agust Theis GKPS)

 

  1. Tonggo Galangan – Tonggo Panutup – Pasu-pasu (Agenda Model A)


Artikel Lainnya:

Category: Tata Ibadah