pekanbaru 3Pekan Baru. Puji-pujian pakon tarimakasih bani Tuhan Naibata, bani tanggal 8 februari topat pakon Hari raya Imlek 2567, na ipukkah ibagas tonggo na ibobanhon Pdt.Juniaty Br. Saragih STh   Pendeta Resort GKPS Pekanbaru (i alaman Rumah ni Sy. Simson Sinaga/St.E.Br.Purba) domma i pukah manuan hayu (kelapa, matoa pakon mangga) bani lahan rencana GKPS AGUS THEIS Pekanbaru. Janah bani sadari ai do homa i pasang Patok pembatas lahan pakon sempadan ni tapak ai. Lahan on pasma i bolakang Rumah ni keluarga Sy.Simson Sinaga tapi berhadapan hu komplek perumahan.

Rencana tapak GKPS AGUS THEIS on, ai ma tanoh ni Sy.Ir. Hasoman Purba/Sy. Simson Sinaga hinan do, tapi domma i ganti rugi hubani sidea, tapi pambayaran ni secara martahap. Janah bani sadari ai, ibagas parsahapan ibahen do goran ni Lahan on,Talun Agus Theis, janah bani lahan on ma rencana pajongjongkon sada nari Gereja ai ma GKPS Agus Theis pekanbaru, pakon rumah/kantor distik VI sonai homa pakon pasilitas pendukung na legan. Bolak ni Talun Agus Theis on 50m x 100m=5000m², status tanoh Sertifikat (SHM) na marharga Rp. 600.000.000.-.

Semangat do haganup na roh bani panorang ai laho manuan hayu, age i tombur udan marnombas-nombas, janah pakean pe koring sandiri halani semangatni.Haganup marsiboan sangkul, pisou sonai age hayu sisuanon bani lahan ai.

Manuan hayu i pukkah humbani Pdt. Resort (manuan Kalapa) pas bani titik awal pengukuran na isaksihon haganup pagori ni Kuria GKPS Pekanbaru na roh bani panorang ai.

Lang pitah na magodang dihut marhorja. Sikolah minggu, pemuda sonai age remaja dihut do marloja-loja sambil tartawai manuan hayu kaliling bani batas Talun Agus Theis ai, janah halani semangat ni,i harati porkispe lang na ahapkonbe.

Salosei mamasang patok pakon manuan hayu, riap ma haganup marurup mangan i rumahni kel. Sy. Simson Sinaga janah mansahapi pasal-pasal aha na parlobei sibahenon.Bani parsahapan ai, haganup do mabere masukan-masukan, pandapot, age semangat. Bahkan adong do na langsung mambere sumbangan berupa pemasangan Gorong-gorong aima keluarga Sy. Simson Sinaga sonaha ase taridah dalan laho manimbun hu lokasi Talun, janah marjanji do Sekretaris umum panitia Sy. Rommi Sinaga (Anggota DPRD Pekanbaru ) ibagas tahun on isemenisasi ma dalan hu Talun Agus Theis. Bani ujungni parsahapan ibahen ma kesimpulan, aima ase isiapkon panitia inti ma Rencana jangka Pendek, Rencana jangka menegah pakon Rencana jangka panjang berupa Master Plan ni Talun Agus theis.

Halani ai satonggo ma hita haganup pagorini Kuria GKPS ija pe marianan, sonaha ase podas terealisasi haganupan rencana on laho patalarhon harajaon Ni Tuhan Naibata i dunia on, khususni i tanoh lancang Kuning, Tanah melayu, Tanah Bertuah.

Nasongon pangujungini:

Bukan kapak sembarang kapak

Kapak ini pembelah kayu

Bukan batak (Simalungun) sembarang batak

Batak ini (Simalungun) Batak melayu.

Sy.Neldi Sigumonrong.


Artikel Lainnya:

Category: Berita, Distrik 6