SURA-SURA NI GKPS EXAUDI GURILLA

 

GKPS Exaudi Gurilla, aima kuria pa-ompatkon i GKPS Resort Sitalasari Bahkapul  Distrik I, na jongjong tanggal 6 Juni 2011, pemekaran ni GKPS Bahkapul. Manurut data statistik, buei ni rumah tangga ni aima; 81 Tangga Dear pakon 28 tangga Etek janah jumlah jiwa, hurang-lobih 390 halak. Secara umum sumber pargoluhan ni pagori ni kuria aima petani, deba nari PNS ampa pegawai swasta.

Marhitei semangat sapangambei manoktok hitei, domma jongjong sada bangunan gareja, tapi darurat ope, mardinding hayu sembarang. Domu hubani na dob onom tahun ma jongjong kuria on, bani Sinode Jemaat iputuskon ma ase ipadear  gareja on marhitei na mambangun sada bangunan gareja na permanen. Umbuk riah, iangkat ma Panitia Pembangunan na laho manranggihon “HORJA BOLON” on. Itodoh ma Sy. Jhon Liben Saragih, SH (Ketua), Sy. Deswan Berutu (Sekretaris) ampa inang Juli Wasma Derita Purba (Bendahara).

 

Domu hujai domma iranggi Panitia Pembangunan piga-piga pahara na porlu, aima ; Anggaran biaya pembangunan pakon gambar ni bangunan na ihorjahon arsitek Simalungun, Sy. Hotman Damanik. Janah domma homa itotapkon gihgih ni kuria, 600 ribu tiap keluarga, pakon upaya na legan. Laho  padoraskon  horja on, maraudensi do homa Panitia Pembangunan riap pakon Pimpinan Majelis Jemaat, Pandita Resort hubani Pimpinan Pusat GKPS, na ijalo Ephorus.

 

Bani panorang ai, panitia patorangkon kondisi ni gareja sonai age pagori ni kuria GKPS Exaudi Gurilla, sonai age rencana Pesta Pembangunan na isurahon bani tanggal 28 Mei 2017. Ipadas do homa hubani Ephorus GKPS, bahasa gareja na sihol ibangun bercirihon arsitektur modern rumah bolon Simalungun, berkapasitas lobih-hurang 500 halak. Pemilihan arsitektur on marlatarbelakang bahasa huta Gurilla mayoritas do halak Simalungun janah GKPS do homa. Jadi pembangunan on lang pitah beraspek rohani, tapi dihut do homa patuduhkon eksistensi budaya Simalungun i kota Pematangsiantar. Itambahkon panitia, bahasa hampir lang adong be huta Simalungun i kota Pematangsiantar on, jadi marhitei pembangunan on sihol do homa gabe hasaksian bahasa huta Gurilla marhitei parjongjongni gareja on, gabe “HUTA SIMALUNGUN” na  98% pendudukni aima halak Simalungun.

 

Malas tumang do uhurni Ephorus GKPS manjalo parroh ni Panitia ampa manjalo penjelasan pasal Visi-Misi pembangunan ni gareja on. Sai ipargogohi Tuhan ma ganup Panitia mangkobaskon horja bolon on, janah ibuha uhur ni haganup kuria GKPS sonai age halak Simalungun mandukung horja on. Janah ipadas Ephorus do piga-piga goran ni hasoman sahaporsayaon ase ihubungi panitia na gabe Panitia Umum ni horja on, na boi mangurupi. Sai ipasu-pasu Tuhan ma horja on bahen hasangapon ni goran-Ni.

Pdt. Flora E. Hutagaol


Artikel Lainnya:

Category: Berita, Distrik 1