ST. JALIANER SARAGIH: PELANGGAN AB DARI TAHUN 1980

Sintua Jalianer Saragih pelanggan ab GKPS mulai tahun 1980Mambasa Majalah Ambilan pakon Barita (AB) domma gabe kebutuhan bani bapa St. Jalianer Saragih. Panorang na salpu (10/03) riap pakon boruni (Delmi br Saragih) sanggah mardalani hu Kantor Pusat GKPS, marbuali pakon redaksi Majalah AB. Bapa Sintua on gabe Syamas i GKPS Huta Bayu (Manak Raya) Raya Huluan tahun 1975, sanggah panorang ai Pdt. Elman Damanik. Tapi piga tahun dob honsi ai pindah ma sidea marhuta hu Huta Raja. I Huta Raja pe totap do homa sebagai Majelis. Mamungkah gabe Majelis songon na borat do pangahapni laho madalankon horja pangidangion apalagi padaskon Hata ni Tuhan marhitei Ambilan.

On ma mungkahni bapa Sintua on pajumpah pakon Majalah AB. Panorang ijia otik do hansa Majalah AB on i terbithon, halani ai terbatas do anggo jumlahni. Halani aima somaldo anggo bani piga-piga Kuria pitah sada do hansa Majalah AB i kuria ai. Domu hujai maningon pagantih-gantih do majelis mambasa AB. Bapa Sintua on manobut, “Marsik do huahap mangidangi”, mase? Halani sihol martugas ma ahu hape lape na botoh i rumah ni ise AB, padahal jadwal diri ma minggu na roh marugas. Dob dapot diri AB on pintor naboan-boan do tong. Sapari etek do AB anjaha tipis homa, boi do na kussangkon nini bapa sintua on. Iboan hu juma, age huja. Halani aido boi nabasa bani ganup panorang sanggah bandiri AB on.

Tahun 1980 mungkah ma sintua on marlangganan AB. malas do uhurni panorang ai halani boi ma dear ia mambasa, lang pala tarolos be. Lanjar lang pala be homa hujai-hujon majelis i kuria ni sidea be manonggori AB na sada ai atak irumah ni ise parkir. Marhitei maralangganan Majalah AB on gabe tambah do semangatni mangidangi.

Mangihutkon hatorangan ni bapa sintua on, Majalah AB do bani gabe sarana pemberdayaan pengetahuan Teologi. Hunjon do lambin roh bayakni pangarusionni Pasal Hatani Naibata. Marhitei AB do ia memahami tentang Teologi, na aima: mansahapkon pasal Tuhan, pakon sonaha Marsahap hubani Tuhan. Agepe misir do homa ia huparsermonan (manjalo stensilan) tapi totap do ianggap bahasa AB do sumber utama bani laho marambilan. Seng na laho manobut lang dear hatorangan ni parsermonan, tapi marhitei na mambasa AB na juppah sedo pitah hatorangan Ambilan tapi dihut do homa barita-barita ni kuria in gabe ambilan.

Anggo buei halak na marsikolah tinggi das hubani sarjana, doctor buei ma na ibasani buku. Tapi bani bapa sintua on mangakui bahasa, “Majalah AB on dassa buku laho mangarusi hata ni Tuhan, On do buku parlajaranku”, nini. Ase pag pe au marambilan sapari halani AB on ma. Lanjar sonai do homa, Majalah AB gabe modal hubani laho marbuali.

Anggo TVRI pataridahkon perkembangan hamajuon ni Indonesia. Manurut bapa sintua on, Majalah AB ma patugah-tugahkon perkembangan hamajuon ni GKPS on, nini: “Marhitei Majalah AB do hubotoh homa, domma banggal hape GKPS on”. Ongga do sada panorang tarbasa sintua on na isuratkon bani Majalah AB pasal pangalaman ni sada halak na ongga marporang manwan bulanda. Seng anjai tarlupahonsi ai, halani gabe sada bohal do ai hubani laho manghagoluhkon hamerdekaon in. Hubani Majalah AB on do homa juppah barita pasal Pendidikan, Kesehatan pakon nalegan. Ongga do homa nini sintua on, adong bani Majalah AB Pengumuman pasal Penerimaan i PKR. Halani ai pintor ipatugah do ai bani kuria in. nini sintua on, “tanggungjawabku do huahap bani kuria in laho padaskon pasal si sonai bani kuria in, halani ai porlu do huahap AB on bangku, ai pprinsipku pe sonon do, ai etek do kuria in anggo ibandinghon bani organisasi keagamaan, sosial na legan, tapi sipartanggungjawab do au bani tugasku, ai jabolon-Ni do au i kuria in. Halani ai huhhorjahon do sonaha ase dapotan hasoman halani ahu”.

Bani panorang na sarupa boruni bapa sintua on, Delmi Saragih (Owner Green Course) manobut, “Bapak saya pelanggan AB yang setia, pernah saya katakan kepada bapak, jika bapak tidak berlangganan Majalah AB kita tidak usah lagi berbicara karena bapak sudah tidak punya bahan untuk berbicara”. Menurutni Delmi, sosok St. Jalianer Saragih aima na ringgas mamodahkon hubani pasal Hatani ni Tuhan marmodalhon Majalah AB. Bapak saya sebagai sintua, maka saya harus benar-benar menunjukkan diri sebagai borunya sintua, nini.

Bani panutupan parsahapan bapa sintua on, manghatahon: Terimakasih hubani haganupan na dob ongga manulis i AB na mambuka pikiranku, sai gabe Pasu-pasu ma Majalah AB on hulobeian ni ari on, semakin bermanfaat maningkathon pambotoh ni Majelis, gabe panduan, referensi bani haganupan Majelis laho mangidangi.


Artikel Lainnya:

Category: Berita