Pertukaran pelayan pakon tempat pelayanan (mutasi), aima sada peristiwa na lumrah janah somal masa ibagas horja pangidangion i tongah-tongah ni Kuria. Tontu na gabe tujuan ni aima laho meningkatkon horja pangidangion sekaligus gabe penyegaran bani si pelayan (parhorja) in sandiri. Sada hal na porlu ipajorei na gabe konsekwensi ni pertukaran sisonon aima pelaksanaan serah terima demi kesinambungan ni pelayanan.

serah terima kepala biro administrasi GKPSSadalan hubani SK ni Pimpinan Pusat, tarjadi do pergantian pelayan i kantor Pusat GKPS aima Kepala Biro Administrasi humbani pejabat lama Pdt. Aman Saud Purba hubani pejabat baru Pdt. Sarinus Sipayung. Pergantian on aima marhalanihon Pdt Aman Saud mandalani studi lanjutan hu Jerman mamungkah humbani bulan Februari 2016. Panggantihni, Pdt Sarinus Sipayung sebelumni melayani sebagai Pandita Resort i GKPS Resort Siantar IV.

Acara Serah terima ilaksanahon i lobei ni Pimpinan Pusat (Ephorus pakon Sekjend) pakon haganup pegawai Kantor Pusat marianan i Balei Harungguan ari Kamis (11/2) 2016 na salpu. Acara ipandu Pdt. Putri Saragih janah iawali ibagas kebaktian. Pardalan ni acara aima : Hata parpudi pakon ondos-ondos humbani Pdt. Aman Saud Purba, Hata parlobei pakon panjaloon humbani Pdt Sarinus Sipayung dob ai ilanjutkon hubani penandatanganan berita acara serah terima pakon penyerahan berkas ampa inventaris. Selanjutni padaskon hata tarimakasih pakon panjaloon humbani na mewakili pegawai, dob ai humbani na mewakili Kepala Departemen pakon Biro. Salpu ai, hata tarimakasih, ondos-ondos, bimbingan pakon arahan humbani Pimpinan Pusat GKPS.

Acara serah terima on sekaligus do homa gabe acara perpisahan ni haganup pegawai Kantor Pusat pakon Pdt Aman Saud Purba sonai pakon Pdt. Donald Girsang na pindah tugas gabe Pandita Resort i GKPS Resort Teladan Medan. Acara on iujungi ibagas tonggo pakon marurup mangan i pendopo Kantor Pusat GKPS.

Selamat mandalani tugas pakon pelayanan na baru ma. Tuhan mangkasomani!

                                                                                                                                  Redaksi.


Artikel Lainnya:

Category: Berita