Domu hubani program kemitraan GKPS pakon Gareja Distrik Hagen, bani tahun 2016 on ibahen do perkunjungan ni Pemuda GKPS hu Gareja Distrik Hagen. Hagen aima sada distrik na adong i Jerman, janah mangihutkon dokahni kemitraanta pakon sidea, tahun on gok ma 50 tahun kemitraanta pakon Gareja Distrik Hagen. Mamungkah humbani tahun 2003, Distrik Hagen marmitra secar khusus pakon Seksi Wanita GKPS, panorang parpudi marmitra pakon Seksi Pemuda GKPS. Kemitraan on ilaksanahon marhitei na marhitei piga-piga program, janah salah sada humbani program ai aima marhitei perkunjungan timbale balik GKPS hu Gareja Distrik Hagen sonai Gareja Distrik Hagen hu GKPS. Domu hujai bani tahun on, isepakati do bahasa Pemuda GKPS manohu Distrik Hagen.

Sadalan hubani kegiatan on, bani Selasa (9/2) pakon Kamis (11/2), marianan i Kantor Pusat GKPS, ibahen do seleksi hubani Pemuda na marhasihol dihut gabe delegasi Pemuda GKPS on. Pemuda na mendaftar aima humbani anggota Pemuda GKPS pakon lon vicar na sedanng magang.Pengumuman pasal pendaftaran hubani na sihol mandihuti kunjungan on, aima marhitei media social (Wall Pemuda GKPS). Domu hubani jumlah na mendaftar bani panorang ai bueini 16 halak Pemuda, na marumur lang lobih humbani 25 tahun bani bulan Agustus 2016, ibahen do interview (wawancara) na ifasilitasi Kepala Bidang Oikumene GKPS (PW Lertina Saragh) pakon Pembimbing Umum Seksi Pemuda GKPS (Pdt Jemmy Raya Saragih). Tim seleksi bani panorang ai aima Pdt Robert Saragih (Ka Dept Persekutuan GKPS), Pdt Albert A Purba (Ka Dept Kesaksian GKPS), pakon Pdt Tri Putri Saragih (Ka Bidang Pembinaan Kategorial GKPS). Materi interview aima: Makna janah harapan ibagas na menjalin kemitraan, Pengetahuan Bahasa Inggris pakon Pengetahuan pasal GKPS (termasuk ma ai Pengetahuan pasal Pemuda GKPS). Domu hubani hasil interview na dob ibahen, iputushon ma Pemuda na sihol berangkat bulan Agustus 2016 on aima :

  1. Ega Ioisa Manihuruk
  2. Dian Putra Hutajulu
  3. Hanna Delima Sidabutar
  4. Megawati Mayasinta Munthe
  5. Andre Yhovandi Purba
  6. Ria Masdewita Purba
  7. Helmut Sipayung
  8. Alan Rowista Purba

Sidea on ma na gabe delegasi Pemuda GKPS mengunjungi mintranta Distrik Hagen riap pakon pendamping aima Penginjil Wanita Lertina Saragih (Kabid Oikumene GKPS). Irencanahon mangayak bulan Agustus 2016, ibahen do training pakon pambohalion hubani sidea. Satonggo ma hita andohar andohar marhiteihon kunjungan ni Pemudata on, boi lambin terjalin erat kemitraan janah lambin tambah homa pambotohni Pemudanta, na iarapkon homa boi ibagihon hubani haganup Pemuda GKPS.


Artikel Lainnya:

Category: Berita