RAPAT ANGGOTA TAHUNAN (RAT) CUM TALENTA MARDALAN IBAGAS NA TUPA

Amazing grace! Amazing grace!

Tarsonaima malasni uhur ni haganupan Pengurus, Penasehat, Pengawas, Manager, Pegawai, Komisaris ronsi haganupan anggota CUM Talenta dob salosei mangadongkon Rapat (RAT) bani ari Kamis, 03 Maret  2016 marianan i Gedung Sekolah Minggu GKPS Saribu Dolok. Paima RAT, parlobei iadongkon do Pra RAT bani Tempat Pelayanan masing-masing. Parlobei ma ai Pra RAT i Tempat Pelayanan Distrik I Pematang Siantar bani tanggal 11 Februari 2016, Tempat Pelayanan Distrik II Pematang Raya bani tanggal 18 Februari 2016 anjaha na parpudi bani Tempat Pelayanan Distrik III Saribu Dolok tanggal 25 Februari 2016. Bani panorang RAT tanggal 03 Maret ai ma isahapi haganupan usulan-usulanni anggota sanggah Pra RAT sekaligus mambahen keputusan. Ase boi hatahonon bahasa RAT  on aima moment na  tang si pentingan bani haganupan program CUM Talenta, halani bani struktur organisasi pe RAT aima pemegang kekuasaan na tertinggi.

Acara  ipukkah marhitei ibadah na ibobahon ni Kepala Departemen Pelayanan  GKPS (Pdt. Aleks FD Sitopu). Nats ambilan na ipadas bani panorang ai ibuat humbani Johannes  5:1-9 (Satu dari sejuta persoalan yang bisa kita selesaikan , kita sudah dapat mengerjakan perintah Yesus). Itekanhon Bapak Kadep do bahasa roh do Jesus marhitei kehadiran ni CUM Talenta, anjaha marhitei harorohan-Ni, sirsir do Ia mangurupi CUM Talenta ase lambin roh dearni. Hansi pe CUM Talenta domma jongjong hurang lobih 9  tahun, sedo na mararti ai bahasa lang adong be na hurang. Ase marhitei moment RAT ma lambin ipadear/ipabayu CUM Talenta. Ambahni ai, itegashon do homa, bahasa bani panorang RAT sedo pitah mambahas Laporan Pertanggungjawaban hubani anggota na paling utama, tapi hubani Tuhan Naibata do na tang siporlunan. Ibagas ai, jaga hita ma homa sifat na sari hubani hasoman ase boi holi gabe barita malas ni uhur CUM Talenta on bani haganupan jolma tarlobih i tongah-tongah ni GKPS.

Materi rapat bani panorang ai na parlobei aima pembahasan Laporan Pertanggungjawaban Pengurus dan Pengawas atas Program, keuangan dan Unit Usaha Agribisnis CUM Talenta. Ilanjuthon hubani Program Kerja, Anggaran dan Proyeksi CUM Talenta tahun 2016. Secara umum ijalo anggota do laporan pertanggungjawaban ampakon program ai marhiteihon piga-piga catatan na harus iperbaiki. Ambah ni ai, adong do homa piga-piga ibahen keputusan marpardomuan hubani program na baru, aima Pengesahan Program Perlindungan Jiwa, Pengesahan Peraturan Khusus Petunjuk Pelaksanaan Pengurus CUM Talenta, pakon kesepakatan laho manjalo pegawai na baru. Ijalo do homa piga-piga masukan ampakon usulan humbani anggota ibagas rencana na sihol mambahen Revisi AD/ART CUM Talenta.

Sada program lama tapi totap tong ipasingat, aima pasal porlu ni kemandirian jemaat marhiteihon ni na membentuk kelompok atap pe komunitas. Sondahan on, domma adong piga-piga kelompok mandiri i unit-unit CUM Talenta, songon Unit Lokkung Raya, Sibarou, Bosar Hataran, Pongkalan Tongah, Sipinggan, Bangun Panei pnl. Kegiatanni kelompok on pe maragam-ragam do, adong ma ai na mangembangkon ayam organik, manjual boras, manjual pupuk ampakon na marjagul. Na songon perhatianni CUM Talenta khusus untuk na adong komunitasni, ibere do peluang marhitei produk investasi komunitas bentuk modal. Kenyataanni humbani hurang lobih 120 unit na adong i CUM Talenta, pitah 10% do hassa na adong kelompok mandirini. Fakta on patugahkon hubanta bahasa adong ope horjanta na sagang na maningun isaloseihon. Halani salah sada kekuatanni CUM Talenta na iandalhon hita, aima marhiteihon ni komunitas ai. Jadi, iaraphon hita do bahasa marhitei komunitas, lambin  bahat ni ma kegiatan-kegiatan positif na boi  pamajuhon perekonomian ni anggota/jemaat. Ase marhiteihon na sonai do holi  boi tercapai cita-cita ni CUM Talenta, aima membangun jaringan perekonomian antar anggota ibagas na mamparayak kesejahteraan riap.

Bertepatan bani panorang RAT ai homa, marpunsa ma periode jabatanni pengurus na lama masa bhakti 2013-2016 (Periodesasi). Domu hujai, iadongkon ma pemilihan pengurus na baru sekaligus Pengawas marhitehonni Tim Formateur sesuai hubani hasil keputusaan ni anggota. Paima marrapat Tim Formateur na laho mamutushon ise-ise pengurus baru na gabe sipambobai CUM Talenta sonai homa pengawas, ibobahon Praeses GKPS Distrik II (Pdt. Vivia Perpetua Purba) do haganupan na roh ibagas tonggo mangindo pangurupion humbani Naibata. Dob honsi marrapat Tim Formateur, iumumhon ma bahasa domma tarpilih piga-piga Fulltimer na gabe Pengurus ampakon Pengawas CUM Talenta masa bakti 2016-2019. Sadea na tarpilih aima:

Pengurus CUM Talenta Masa Bakti 2016-2019 :

Ketua                           : Pdt. Relson Girsang

Wakil Ketua                 : Pdt. Jankris Harianto Sinaga

Sekretaris                    : Pdt. Krosbin Turnip

Wakil Sekretaris          : Pdt. Ferdi S Saragih

Bendahara                   : Pdt. Dian Putra Saragih

Pengawas CUM Talenta Masa Bhakti 2016-2019 aima:

Ketua                           : Pdt. Firdaus Purba

Sekretaris                    : Pdt. Sanpendawati Purba

Anggota                       : St. Nelson Saragih

Malas do uhurni haganupan anggota manjalohon Pengurus ampakon Pengawas na baru tarpilih. Anjaha bani Pengurus pakon Pengawas na lama pe, ipadas do tarima kasih na banggal halani domma marloja-loja sadokah 3 tahun ibagas na pamajuhon CUM Talenta. Acara ilanjuthon marhitei serah terima humbani pengurus na lama (iwakili Pdt. WashintonGirsang) hubani Pengurus na baru, sonai homa Pengawas lama hubani Pengawas na baru. Siluk dob honsi serah terima, iadongkon do langsung acara pelantikan na ibobahon ni Kepala Departamen Pelayanan (Pdt. Aleks FD Sitopu).

Aima barita na boi ipadas hanami CUM Talenta hubani hita haganupan kuria hinaholonganNi Jesus Kristus. Tarimakasih ma hubani ganup anggota, komisaris, penasehat (Pimpinan Pusat GKPS, Praeses, Pendeta, Penginjil & Pengantar Jemaat) na domma mambere buah-buah pikiran bani RAT CUM Talenta ibagas uhur na riap pamajuhon CUM Talenta. Arap do homa uhurta, ase lambin tingkathon hita ma perhatianta marhiteihon ni na mambere masukan-masukan ampakon usulan ibagas tujuanta  laho pamajuhon ekonomi, tarlobih na gabe dalan pasu-pasu (barita malasni uhur) hubani jemaatta. Na parpudi, marhiteihonni tulisan on, iarahkon hanami do homa haganupan kuria GKPS na lape margabung bani hasadaonni CUM Talenta ase sir-sir mamberehkon uhurni na laho marsiurupan (Gal 6:2) i tongah-tongah ni kuria marhiteihonni kehadiran CUM Talenta.

Tuhanta ma na mamasu-masu!

 


Artikel Lainnya:

Category: Berita