Marhitei Pesta Wanita bani Minggu 13 Maret 2016, taridah ma tongon hasadaon ni Wanita GKPS Graha  Raya, haganup Wanita do berperan aktif bani acara meriah on, anjaha taridah homa nuansa Simalungun, halani haganup sidea marpakean adat Simalungun lengkap. Tunggung, jagar anjaha jagiah ma tongon.

Dihut do homa mengisi acara marhitei persembahan vocal group pakon puisi humbani Seksi Sikolah Minggu, vocal group Seksi Pemuda pakon vocal group Seksi Bapa, anjaha marhitei lagu vocal group pakon puisi on ma sidea mambere ungkapan hormat,  tarimakasih pakon penghargaan hubani Wanita, ai ma sebagai Inang itongah-tongah ni keluarga.

Lambin meriah use acara marhitei na ibahen Seksi Wanita perlombaan vocal group antar Sektor logu ni humbani lagu haleluya. Perlombaan on pemenang ni ai ma Sektor 1.

Taridah do appresiasi ni haganup kuria bani Seksi Wanita, aima marhitei na tarpatuppu do dana marhitei galangan lobih hubani target na iaraphon Seksi Wanita untuk anggaran tahun 2016 on. ‎Andohar dana na dob ipatumpu boi magkorhon pelayanan na lambin jenges anjaha sai lambin tarmulia ma goran ni Tuhan marhitei pelayanan ni Seksi Wanita.

Bani pangujungini acara, Seksi Wanita mambahen acara kebersamaan, martukar kado, manortor riap, peragaan-peragaan sebagai inang, pakon na legan. Haganup jemaat dihut marmalas ni uhur marhitei Pesta Wanita on.

Tarimakasih ma bani Tujan, andohar ma tongon marhiteihon pesta on, lambin marhasadaon haganup Seksi Wanita GKPS Graha Raya on songon hata ni ambilan bani Pesta Wanita on, inang na gabe penolong pakon penopang ibagas keluarga, sipartonggo, pakon siboban damei.  Selamat Pesta/Minggu Wanita ma hubani haganup pagori GKPS!

‎Syaloom….

St. Rijen Lamri Sinaga/Emmy Variaty Saragih


Artikel Lainnya:

Category: Berita