Bani ari Kamis  29 Desember 2016, iadongkon do Perayaan Natal Pemuda/i-Remaja GKPS Gunung Mulia, Resort  Tanjung Beringin dengan tema: “ Goluh Na mangidangi (Markus 10 :45)” pakon sub tema “Marhitei Perayaan Natal on Lambin Pataridahkon Hita ma Goluh na Hobas Mangidangi i Tongah-tongah ni Kuria”. Malas tumang uhur ni kuria bani panorang ai, tarlobihma Pemuda/i-Remaja GKPS Gunung Mulia Resort Tanjung Beringin. Janah bani panorang ai, teks ambilan ibuat humbani Markus 10 : 45, na ibobahon inang PW. Esnalida Purba, S.Th.

Bani ambilan Natal na ipadas inang PW. Esnalida Purba, S.Th, mangkatahon: marhitei natal on janah marhitei partubuh ni Jesus on, lambin ipataridahkon kuria in ma goluh na hobas mangidangi i tongah-tongah ni kuria. Hobas berarti mempersiapkan, janah ambilan on pe dihut do mangondolhon hubani haganup kuria terkhusus hubani haganup Pemuda/i-Remaja GKPS Gunung Mulia, ase lambin hobas  mangidangi  kuria in, marhiteihon aksi nyata  selaku penerus Gereja, songon tema na  menekankan paboa Jesus Kristus roh hu dunia on lang laho iidangi tapi laho mangidangi do. Sonai homa do Pemuda/i-Remaja GKPS Gunung Mulia sihol ma lambin mamberehon  dirini pataridahkon kepedulian dompak kuria. Pemuda/i-remaja juga iarapkon do homa aser lobih selektif mandompakkon perkembangan teknologi sonari. Bani panorang ai ibobanhon Pemuda/i-remaja GKPS Gunung Mulia do vocal group  na marjudul “Tunas Namajenges” pakon “ ’Ge Pe Gerger”. Bani acara hiburan itampilhon sidea do tortor hiburan  “Gemufamire”,  mambahen tartawai  kuria janah gok malas ni uhur halani gerakan-gerakan tarian na i koordinir Desman Palti Girsang (Pemuda). Haganupan  perayaan Natal on, lang terlepas humbani kerja sama ni anggota pakon tim kerja Natal na ibentuk paima mata ni horja ai, aima na maranggotahon: St. W. Simaibang (Pembimbing Pemuda), Sy. Andi Purba, Enhot Efraim Girsang, Desman Palti Girsang, Donni Purba, pakon haganup anggota Pemuda/i-remaja GKPS Gunung Mulia Resort Tanjung Beringin. Diatei tupa ma hubani Tuhanta Jesus Kristus, halani torsa do haganupan kegiatan Perayaan Natal Pemuda/i-Remaja GKPS Gunung Mulia Resort Tanjung Beringin, janah lambin tarpuji ma Tuhan marhitei kegiatan Natal on. Tuhan Naibata ma na masu-masu hita haganupan. Syaloom…..

Enhot Efraim Girsang


Artikel Lainnya:

Category: Berita, Distrik 3