Minggu HUT Pemuda GKPS mardalan  ibagas na dear bani ari Senin (26/12,2016) i GKPS Simanabun bertepatan homa pakon pesta pardingatan partubuh ni Tuhan Jesus (Natal II).

Dalam rangka ulang tahun ai, ibahen do piga-piga kegitan aima: manlengkon siluah ni pemuda pakon  Pengurus na martujuan  manambah kas ni Pemuda, Vokal Group, pakon Mamotong kue ulang tahun.

Pemuda do haganup na mangidangi bani kebaktian ai, aima Ambilan: Pardamean Hasiholan Saragih (Ketua), Agenda: Sy. Ramahalem Saragih (Wakil Ketua), Doding: Heri Irawan Saragih, Song Leader: Roselpriana br Saragih (Bendahara), Roma Wida br Purba, Desna br Purba (Sekretaris II), Galangan: Sy. Ricardo Damanik dkk.

Marhitei kegiatan on, Pembimbing Pemuda(Bapa Sy. Saut Girsang) mangarapkon ase Pemuda GKPS khususni Pemuda GKPS Simanabun boi lambin sada janah totap toguh haporsayaon ni hubani Tuhan Naibata, lang ganggang darngos artini lang sipata porsaya sipata lang, tapi totap ma mangandalhon Tuhan bani haganupan horjani. Jadi anggo domma totap haporsayaonta, ulang be porsaya hubani na legan selain Tuhan Naibata. Contohni, dong Pemuda anggo lagi suntuk ia, iinum bagot, manginsop, mar narkoba pakon horja-horja na negatif na legan. Jadi anggo domma porsaya, haganup baik suka pakon duka,  iaduhon  ma hubani Tuhan, ulang iaduhon bani horja-horja na negatif atap iaduhon bani media sosial na lagi ngetrend sonari aima facebook goranni. Janah marhiteihon kegiatan on, andohar Pemuda roh aktifni bani haganup kegiatan-kegiatani gareja, ulang pitah aktif bani acara-acara hari besar tumang nini Pembimbing Pemuda.

Kegiatan na parpudi aima mamotong kue ulang tahun, mangan kue  pakon  foto bersama.
Sonaima Horas. . .

Sy. Jhon Erwin Damanik, S. Pd


Artikel Lainnya:

Category: Berita