logo2016

 

Barita GKPS Resort Sirpang Sigodang:

 

Mangidangi Ibagas Ojurni Panggora ni Uhur Naborsih

Pembinaan majelis Jemaat sa-resort GKPS Sirpang Sigodang

Sabtu, 17 Oktober 2015

 

 

Bani ari Sabtu, 17 Oktober 2015 marianan i GKPS Sirpang Sigodang iadongkon do Pembinaan Majelis Jemaat sa-Resort Sirpang Sigodang dalam rangka mambohali ronsi paratahkon pasal Pandiloon ampa tugas tanggungjawab ni parhorja. Pembinaan on ibobahon dua (2) halak nara sumber janah dua (2) topik homa, aima “Spiritualitas Pelayan Jemaat” nabinobahonni bapa Sekretaris Jenderal (Sekjend) GKPS: Pdt. DR. Paul Munthe, MTh namanokanhon piga-piga pahara. Isobut do parhorja kuria selaku “Hamba Tuhan” sedo maronjolan bani Intelektual, jabatan nadong tapi gogoh nahumbani Tonduy/supranatural. Spiriualitas ni sahalak parhorja mambobai dirini hubani panandaion nabagas pasal hubunganni pakon Naibata ampa tinompa nalegan ibagas parsaoranni halak kristen naadong i dunia on. spiritualitas mardalan secara dinamis marhitei tolu (3) ciri: 1.Secara pribdi sada janah orod pakon Naibata, 2.Pitah marsombah bani Tuhan, 3.Konsisten mardalan ibagas pambalosion dompak pandiloon nahumbani Naibata, haganupan sihol patalarhon goluh namangusihi Tuhan Jesus. Janah lobih bagas ipaingat do homa marhitei materi naparlobei on ase sahalak parhorja mangakui keterbatasanni, aima mambahen sahalak parhorja totap manghaporluhon pangurupionni Tuhan. Janah Tonduy napansing ma namambere gogoh ase boi manghorjahon pangidangion ibagas nadear ibagas semangat namarbuahkon buah-buahni Tonduy. Halani ai ningon do tong refleksi: ahado nahuahapkon anggo huhorjahon pangidangionku? Aha do nahuhorjahon on? Domma nani haganup gogoh pakon goluhku hupakei laho mangidangi Tuhan? Aido ase porlu sahalak parhorja ibagas tonggo, marintegritas (1 Kor.3:2), mananda diri (Podah 4:23).

                Materi paduahon aima “Pasirsirhon diri ase gabe Parmahan” nabinobahonni inang Pdt Erni Julianti Purba, M.Th. Ipungkah inang on marhitei sungkun-sungkun naparohkon tawa, lang hubotoh mase ahu mambobanhon materi on bani kondisi namandukung tumang laho tarpodom, mudah-mudahan materi nahuboanhon on boi mambahen nasiam tarpodom (ganup peserta nahadir tartawa). Itokanhon marhitei materi on: parmahanion aima upaya ni gareja laho marmahani biri-biriNi, patuduhkon pansarihonon (care, keperdulian) ampa panramotion (concern, pemeliharaan) ni Naibata. Fungsi ni aima: pamalumhon (healing), mampargogohi (sustaining), membimbing (guidence), padameihon (reconciling), manramothon (nurtuning). Bentukni boido taridah marhitei lima (5) bentuk: Perkunjungan Rumah Tangga (PRT), Parsahapan/konseling, penilikan pakon disiplin gareja, persekutuan pakon pelayanan (diakonal) marhitei onjolan maningon do parhorja kuria naparlobei mangahapkon nadob iparmahani Tuhan do goluhni. Sungkun-sungkunni, sonaha nakarakter namaningon imiliki sahalak parhorja? 1.ready to serve, 2.need oriented, 3.do the best. Sonaha homa sifat ni parhorja in sandiri? 1.Maila lang manghorjahon, 2.setia, 3.low profile. Marhiteihonni ai adong ma prinsip bani parhorja kuria sanggah tardilo gabe parmahan i kuria-Ni:1.lobih mamingkirhon hasoman marimbang diri sandiri (Plp.2:1-11), 2.Marpingkir selaku halak naporsaya (1 Kor.4:2), 3.marpingkir pasal aha sihorjahonon sedo aha naihorjahon halak nalegan (Rom.14:4), 4. Marpangunsandeian bani Kristus (2 Kor.10:18), 5. Manghaporsayai bahasa mangidangi aima kesempatan sedo hawajiban (Psalmn 100:2).

Andohar bani keaempatan pembinaan nalaho roh, lambin gok ma bohal partonduyon ni parhorjaNi in bahen hasangapon ni Tuhan. Marhitei Barita on homa ipadas hanami Diatei tupa bani Bapa SekJend pakon Inang Pdt, marhitei materi pembinaan in lambin buha ma hauhuron ronsi pingkiran laho mangidangi Tuhan marhitei kuriaNi in

Tabi pakon tonggo nami,

(Sekretaris GKPS Resort Sirpang Sigodang-St. Wahman Purba, S.Pd,

Notulis– Vic. Pdt. Rim Glory Phasah Saragih)


Artikel Lainnya:

Category: Berita, Distrik 2