Sibasaon Minggu 29 Mei 2016
Minggu I Dob Trinitatis
Teks : Lukas 7 : 1 – 10
Doding : Haleluya No. 350 : 1 + 3

HAPORSAYAON AMPA IDOP NI UHUR

Pdt Herna Yanti Purba

PARLOBEINI
Boi do hape tubuh haporsayaon hubani Tuhan age pe lang dihut bani persekutuan Sinagoge. Hunja anjaha aha ma nani na mambahen terjadi sisonai ai? aima halani mangidah,mamparuhurhon ronsi mamparimbagaskon na ihorjahon ni Tuhan in age pe hun luar ni Sinagoge. Humbani na mangidah, mamparuhurhon ronsi na mamparimbagaskon gabe itanda ma Jesus anjaha humbani panandaanni na sintong gabe patubuhkon haporsayaon-keyakinan bani holong ampa kuasa ni Jesus. Sonai ma na ialami Kopala Tentara ijia, songon na isaksihon Evangelium Lukas on.
Kopala Tentara in sedo halak Jahudi, mararti ma ai ia lang masuk bani persekutuan i Rumah Panumbahan atap Sinagoge. Ia Kopala Tentara halak Romawi na mengepalai 100 halak prajurit. Tugas ni ijia aima manjaga keamanan wilayah kekuasaan ni Romawi na ijajah sidea humbani halak Jahudi sonai homa na managatur ronsi na melindungi si panjalo sohei. Humbani hajongongan ni in taridah bahasa termasuk sahalak na berpengaruh do ia i tongah-tongah ni halak Romawi. Halak Romawi/Kekaisaran Romawi sangat berlawanan do sasintongni pakon halak Jahudi. Halak Romawi sihol manguasai tanoh age bangsa ni Jahudi, halani ai magigi tumang do Jahudi bani halak Romawi. Tapi Kopala Tentara on terbuka do ia bani kehidupan ronsi haporsayaonni halak Jahudi.

HATORANGANNI
Talar ma holong ampa kuasa ni Jesus bani dunia on marhitei na masa hamalumon hubani juak-juak ni kopala Tentara Romawi ai. Holong Ni Jesus lang pitah boi iahapkon bangsa tertentu, tapi tarontang do haganup bangsa mandaihon holongNi ai. Hunja idahonta in? aima marhitei kisah ni Kopala Tentara – Juak-juakni Kopala Tentara pakon Jesus.

Kopala Tentara somal do memiliki juak-juak (na marhorja bani). Somal ni jauk-juak in iposisihon bani level na rendah, dob ni pambahenan pe gati ma hurang manghargahon songon manghargahon jolma. Maruhur-uhur ma tuanni hubani juak-juak ni, lang sai iperdulihon-ipardiatei hagoluhan ni juak-juak ni. Na porlu aima marhorja ibagas na dear. Ase anggo lang sanggupbe marhorja (lang produktif) ra ma mintor i pecat- iganti. Masa do homa ijia memperjualbelikan budak atap juak-juak. Jangin do anggo hajongjongan ni juak-juak ijia tene.

Tapi adong do cara na marbeda bani na memperlakukan juak-juak aima na ihorjahon ni Kopala Tentara na sada on (na bani teks ni ambilan on, hansi lang isobut goranni). Ia lang songon tuan na umumni berlaku ijia, ia tuan na manghargahon juak-juak ni. Isobut do bani ayat 2 ai “……….. na hinarga ni tuanni …..”. Terjemahan Alkitab sangat di hargainya , KJV : Who was dear unto him ( yang di sayanginya) , bhs Yunani : Entimos (berharga, berarti). Sikap panghargahonon ampa holong ni ai hubani juak-juak ni taridah sanggah na boritan juak-juak ni ai. Parnaboritonni pe domma parah “mangkatarhatos = sakit keras hampir mati”. Anggo domma keadaan na sonai ai somal ni tuanni domma paulakkon juak-juak ni anjaha i ganti halani lang boi be marhorja anjaha menyusahkan. Kopala Tentara ai manghasiholhon hamalumon ni juak-juak ni. Ia berusaha manorihi solusi ase boi malum juak-juak ni ai. Anjaha Jesus aima dapotsi gabe solusi mangatasi parnaboritonni jauk-juak ni ai.

Ipangindo Kopala Tentara aima pangintuai ni halak Jahudi mangelek Jesus laho pamalumon juak-juak ni ai. Tindakan na aneh do homa na ibahen ni Kopala Tentara on, mase ma lang ia langsung mangindo hubani Jesus? Mase ma homa boi ia berhubungan baik pakon pangintuani halak Jahudi, ai lang mar imbang do halak Romawi pakon Jahudi?
Tapi hape tindakan na sangat bijak do on domu hubani kondisi ni halak Romawi pakon Jahudi ijia. Ia menghormati aturan ni halak Jahudi naijia. Bani halak Jahudi, seng boi masuk hu rumah ni halak na non Jahudi anjaha halak non Jahudi pe seng boi masuk hu rumah ni halak Jahudi (bnd. Lah 10:28a. 11:2-3). Halani ai, ia mangindo tolong hubani pangintuai ni Jahudi ase sidea ma gabe siholang padaskon sura-surani bani Jesus. Anjaha hubungan na dear antara Kopala Tentara pakon pangintuai Jahudi domma terjalin age humbani na mamungkah pajongjong parguruan ni halak Jahudi. Anjaha isaksihon pangintuai aido bani Jesus bahasa parholong do Kopala Tentara ai age hubani halak Jahudi. Halani ai hubani Kopala Tentara in secara pribadi lang sogam uhur ni halak Jahudi , age pe halak Romawi ia. Sidea pe holong do homa uhur ni bani Kopala Tentara in. Ase, ielekkon sidea do hubani Tuhan ase ra Ia pamamlumkon na boritan in. hunjon boi idahonta bahasa holong boi do maruntuhkon tembok pemisah, pasadaon perbedaan.
Sanggah roh Jesus laho manjumpahkon Kopala Tentara age juak-juakni na boritan ai, iambati ni do Tuhan in das hu rumah ni. Hunjon dua hal na boi idahonta makna sikap ni Kopala Tentara in. Aima : Toruh maruhur ampa haporsayaon na toguh
Toruh maruhur taridah marhitei hata ni melalui hasomanni ai “ ai lang talup au, masukanmu pala rumahku (ayat 6)…….. ai seng talup ahu sandiri marayak Ham (ayat 7) …….. ai halak na itoruh parentah do ahu, anjaha itoruhku pe adong do tentara, anggo huhatahon bani nasada , laho! Gabe laho do ia. Atap hubani na legan, roh ! gabe roh do ia. Atap hubani juka-juakku, bahen ai ! jadi ibahen do.

Artini, ia menyadari hajongjonganni ilobei ni Jesus. Daoh do lobih sangap anjaha lobih pansing Jesus in marimbang ia age pe ia pejabat tinggi do ijia. Halani ai maningon ibagas hahormatan ma bani na pajumpah pakon Jesus in. Kopala Tentara in lang mangajamkon jabatan ni bani na mangindo hubani Jesus. Tapi ibagas toruh ni uhur ampa elek-elek do ia mangindo. Somal do halak anggo domma memiliki jabatan berhak ma ia ilayani dengan baik. Jabatan ni ai iajamkon gabe songon keharusan ma ia ilayani.

Haporsayaon na toguh hubani Jesus taridah do ai bani hata ni Kopala Tentara ai “ hatahon Ham ma sakababah hata gelah, ase malum juak-juakuai”. Ia domma menyadari pasal hagogohan ni hata ni Jesus. Asal domma Jesus na manghatahon, manghorjahon pasti do jumpah na pinangindo ia. Lang pe pamalumhon songon na somal ihorjahon jolma, asi do anggo Jesus na manghorjahon, aima haporsayaon ni Kopala Tentara ai. Menarik tumang tene, bagas ni haporsayaoni Kopala Tentara ai. Age pe ia sedo halak Jahudi tapi boi do terjadi pertumbuhan Iman na jenges bani hadirionni. Hape, buei do homa halak Jahudi na merasa percaya hubani Tuhan tapi lang manghaporsayahon goluh ni bani Tuhan. Bahkan anggo Jesus manobut bani ayat 9 in “Gari bani halak Israel seng jumpah Ahu haporsayaon na sonon”.

Ibalosi Jesus do pangindoan ni Kopala Tentara ai, saud do malum juak-juak ni ai. Proses hamalumonni juak-juak aipe pataridahkon kuasa ampa banggalon ni Tuhan Jesus. Dob mulak hu rumah suruhan ni Kopala Tentara ai domma jumpah sidea malum juak-juak ai. Tongon ma songon haporsayaon ni Kopala Tentara ai anggo Jesus ma manghatahon, manghorjahon pasti do saud ai. Lanjar on ma pataridahkon holong – Idop ni uhur ni Jesus aima hubani haganup halak. Holong ampa idop ni uhur ni Jesus lang milik ni sekelompok orang, atap hanya berlaku dibalik gedung Sinagoge. Tapi holong ampa idop ni uhur ai boi terjadi bani halak na marhaporsayaon hubani Tuhan in.

HAHONAANNI
Idop ni uhur ni Tuhan terbuka do hubani haganup jolma. Hubani haganup latar belakang kehidupan, hubani haganup lapisan masyarakat. Haganup do boi mandaihon in bani goluh ni asal ma porsaya botul ia bani Tuhan in. Gabe halak na porsaya lang pitah singgan masuk hubani tumpuan ni /persekutuan halak na porsaya tapi tongon-tongon manghaporsayahon goluh ni hubani Tuhan.
Parjumpahan pakon Tuhan baik ma ai humbani na manangar baritaNi (songon Kopala Tentara ai), mangidah-manaksihon pambahenanNi aima mambobai hita lambin manggoluh marhaporsayaon hu bani Tuhan Jesus in. Parjumpahan pakon Tuhan lang pitah manoruskon hasomalan tapi panorang berproses ma ai bani hadirionta ase lambin marbanggal haporsayaonta. Parjumpahan pakon Tuhan maningon mempengaruhi goluhta, ualng sebalikni goluhta na mempengaruhi parjumpahanta pakon Tuhan. gabe ra ma lang marulih bani na madear. Parjumpahan pakon Tuhan lang singgan judul ni horja atap label ni hasadaon tapi maningon das hubani isi na pataridahkon na marhaporsayaon hubani Tuhan in.
Songon na masa bani konteks ni ambilanta on, Jesus domma berhasil mewartakan kuasaNi ampa holongNi mambahen tubuh homa haporsayaon ni Kopala Ni Tentara ai huBani. Tontu in do homa panggilan goluhta i dunia on sebagai anak ni Tuhan hita. Goluhta mewrtakan Kuasa ampa holong ni Tuhan Jesus ase itanda anjaha ipuji jolma in goran ni Tuhan. Salah sada hataridahan ni goluh na mewartakan Kuasa ampa holong ni Jesus aima marhitei goluh na manghaholongi hasoman na legan. Holong na lang marsokat-sokat, holong na mar pilihan tapi holong na tulus hubani haganup halak. Boi do homa age marhitei sikap ni goluh na lang merendahkan halak na legan atap mangodohkon halak na legan bani sitaronon ni tapi justru membebaskan humbani sitaronon ni.


Artikel Lainnya:

Category: Ambilan