CHORAL CONDUCTING WORKSHOP

condacting GKPSPandodingon aima sada bagian integral na so hasirangan humbani pargoluhan ni kuria. Humbani mungkahni, humpulan ni na porsaya hubani Naibata aima humpulan na mandoding laho mangkatarimakasihkon pambahenan ni Naibata. Pambahenan ni Naibata na banggal lang sungkup irespons pitah marhitei hata atap sahap tumang, tapi na porsaya sihol do mangekspressihon habanggalon ni Naibata marhitei hata na maringgou na mambahen pujian ai gabe indah, jenges marhasoman sora na lurlur anjaha na laingan. Pambahenan ni Naibata na agung ibalosi na porsaya in marhitei sibere-bere atap talenta na indah na humbani Naibata aima kemampuan mandoding.

Salah sada rumang ni pandodingon na jumpah i tongah-tongah ni kuria humbani nabasaia nari aima pandodingon dalam bentuk paduan suara (koor). Hatahononta ma bahasa paduan suara atap koor, lahir aima i tongah-tongah ni kuria (bdk. 2 Kor 5:11-14) na ipatupa sedemikian rupa bani panorang ni Raja Daud. Fungsi ni paduan suara na utama aima laho mambobai pakon menyemangati kuria mandodingkon pakon mangkatarimakasihkon habanggalon ni Naibata. Sada hal na gabe keprihatinanta nuan on aima bahasa hajongjongan ni paduan suara domma mulai bergeser, na ija urahan ma nuan on mangindahi paduan suara i dunia sekuler marimbang i kuria, hape asal ni paduan suara sasintong ni kuria do.

Kenyataan on ma na gabe salah sada latarbelakang ni kegiatan Choral Conducting Workshop (Lokakarya Dirigen Paduan Suara) na ilaksanahon Departemen Persekutuan GKPS marianan i Simalungun Room Siantar Hotel Pematangsiantar bani Sabtu (30/1) 2016 na salpu. Na gabe narasumber ni workshop on aima Prof. Eudinice V. Palaruan , sahalak ahli paduan suara anjaha praktisi paduan suara gereja, na roh hun Manila Philippines. Janah na gabe moderator sekaligus penterjemaah aima inang Gracia Leonora Telaumbanua-Simanjuntak hun Jakarta.

Kegiatan on ipungkah jam 9.00 Wib das hubani jam 15.00 Wib , ibuka secara resmi oleh Pimpinan Pusat GKPS (Pdt. DR. Paul U. Munthe-Sekjend). Workshop on terdiri humbani 2 sessi aima : Sessi 1 : Basic Choral Conducting Technique (Teknik Dasar Dirigent Paduan Suara) na membahas teknik mambobahon paduan suara (gesture, ukuran, tempo, signal, ekspressi) pakon Sessi 2: Chorus Clinic Laboratory (Laboratorium Klinik Paduansuara) na membahas permasalahan sekitar paduan suara (teknik latihan-rehearsal, sikap, disiplin, problem pakon solusi[spacer size=”0″])

Taridah do antusias ni 40 halak peserta workshop na terdiri humbani para dirigent i tongah-tongah ni kuria sonai 8 halak Pendeta pakon Penginjil na gabe peserta ni pelatihan on. Workshop on berjalan secara interaktif anjaha bueinan mandalankon praktek langsung daripada teori mambahen peserta mangahapkon pambohalion na sangat efektif janah wawasan na martambah hubani level na lebih tinggi.

Kegiatan on ipungkah anjaha iujungi ibagas ibadah mamakei bahasa Inggris. Tarpuji ma Tuhan marhitei pandodingonta !

Departemen Persekutuan GKPS


Artikel Lainnya:

Category: Berita