Resort Raya Bayu Bani tahun 2015 na salpu iprogramhon do mambahen pengadaan alat-alat music penunjang ibadah pakon pembagian Bibel pakon Buku Parmahan na madear bani haganup keluarga pakon majelis. Anjaha haganupan ai domma terealisasi bani bulan Desember 2015 na salpu. Bani panorang natal umum, sebagai bingkisan natal humbani kuria hubani tiap-tiap rumah tangga iondoshon Pdt. Melena F. Turnip do secara simbolis sada Bibel pakon buku Parmahan na madear ibagas pangarapan ase haganup rumah tangga lambin dohor hubani Tuhan marhitei na gati mambasa hata ni Tuhan. Dob salpu ai Ilanjuthon ma use bani acara peresmian pemakaian alat-alat musik marhitei na mamukul gondrang humbani Pendeta pakon Pengantar Jemaat. Malas uhur, alat-alat musik na domma tersedia aima gondrang, 2 gitar listrik, keyboard, saksofon pakon suling.

Marhiteihon na dob adong alat-alat music in, arap uhur lambin roh ringgasni pakon semangatni ma haganupan kuria marhasadaon mamuji pasangapkon Tuhanta. Bani minggu 06 Maret 2016, iadonhon kuria do homa pesta pariama pakon kebaktian paingkathon niombahni kuria na laho mandihuti ujian akhir sekolah pakon ujian Nasional hubani anak kalas 6 SD, 3 SMP, 3 SMU/SMK.

Hatahonon ganup do niombah na laho ujian ai hadir bani kebaktian pemberangkatan sonai homa age orang tuani sidea. Sebagai bentuk parpaingkatni kuria, ibagi do peralatan ujian hubani niombah na laho ujian ai. Marhiteihonni horja in, lambin roh ringgasni ma kuria manghorjahon horjani anjaha niombah in lulus ma homa haganupan dengan nilai yang membanggakan. Bani panorang sadarini ai ibahen do homa pemilihan sintua, anjaha na tarpilih aima 10 halak humbani syamas. Dob honsi siap ibadah ilanjuthon ma marhitei na marurup mangan sa kuria sebagai bentuk malas ni uhur pakon tarima kasih bani pasu-pasuni Naibata. Marhitei AB on ma homa hanami GKPS Raya Bayu Luan padashon hata tarima kasih name hubani bpk. Piater Damanik (pengurus Diakonia GKI Kayu Putuh pakon haganup jemaat) na sirsir mangurupi pengobatanni niombahni kurianta, Jepi Sastra Sumbayak. Lambin roh majuni ma homa nasiam anjaha lambin ipasu-pasu Tuhan ase tong gabe pasu-pasu hubani halak na legan na marhahurangan atap mamorluhon. Hata tarima kasih nami homa hubani keluarga bpk. Pdt. Marthin L. Sinaga, kel. Bpk. St. Arnold Sinaga (GKPS Menteng), kel. Ing. St. br. Girsang (perawat RS. Adam Malik) pakon kel. Ing. Rina Tampubolon (GKPS Bekasi) marhitei Pdt. Melena F. Turnip na mangurupi proses pengobatan Iren Lorenza Sijabat niombahni kurianta na mengalami gangguan pernapasan halani dong tumor bani hidung pakon tenggorokanni. Puji Tuhan, domma malum niombahta in marhitei na ioperasi sonai tonggonta pakon pangurupion nasiam. Raya Bayu Pengurus Harian GKPS Raya Bayu Luan


Artikel Lainnya:

Category: Berita