1. Pembinaan Majelis Jemaat

Bani na mandalankon tugas pangidangion i tongah-tongah ni kuria ni Tuhan, porlu do ibohali  ase lambin ipahami  aha do tugas tanggung jawab selaku juak-juak ni Naibata. Marhitei pembinaan ai ma hita ibohali ase boi mambohali kuria in bani ruhut-ruhut horja na madear ase atur, banjei janah marbanggal ibagas haporsayaon, pangarapan ampa holong na humbani Kristus in. Sadalan hujai ma ase ibahen Pembinaan Majelis Jemaat sa- GKPS Resort Tarutung bani ari Sabtu, 25 Juni 2016 i GKPS Siborong-borong. Dob honsi kebaktian pembuka ipungkah ma Session I dengan topik: “Kepemimpinan” na binobahon ni Pdt. Sarinus Sipayung. Dob honsi mangan siang ilanjutkon bani Session II dengan topik “Tugas pakon Tanggung Jawab sebagai Pelayan” na binobahon ni Pdt. Mikael Sipayung. Andohar ma tongon marhitei pembinaan on haganup Majelis Jemaat sa-GKPS Resort Tarutung semakin ibentuk menjadi pelayan yang memimpin dan pemimpin yang melayani.

  1. Aksi kasih Seksi Wanita Resort Tarutung

gkps-tarutungIpasu-pasu ase boi gabe pasu-pasu. On ma na menjadi dasar terlaksanani program aksi kasih Seksi Wanita GKPS Resort Tarutung na inyatahon marhitei kunjungan hubani anak-anak na marianan i Panti Asuhan Bumi Keselamatan Margarita (BKM) GKPS i Pematangsiantar, bani ari Sabtu, 27 Agustus 2016. Berangkat do hujai na mewakili haganup wanita GKPS Resort Tarutung aima Pengurus Seksi Wanita GKPS Resort Tarutung pakon piga-piga anggota seksi wanita, Pembimbing Seksi Wanita Resort idampingi Pendeta. Bani panohuan ai iondoskon do siluah na iboan berupa Sembako, Perlengkapan Sekolah pakon pakaian layak pakai.  Kebersamaan pakon anak-anak BKM iujungi marhitei tonggo panutup, marsalaman pakon marfoto bersama. Andohar sai itumpaki Tuhan Naibata ma haganup program kerja ni Seksi Wanita, ase lambin marbuah haporsayaonta.

  1. Pra Olob-olob pakon Pesta Olob-olob Resort Tarutung

Ibagas na menyambut perayaan Pesta Olob-olob 113 tahun Ambilan Na madear GKPS Resort Tarutung, iadonghon do kegiatan Pra Olob-olob bani ari Minggu, 21 Agustus 2016 na marianan i GKPS Siborong-borong na ipungkah marhitei kebaktian. Bani perayaan Pra Olob-olob ai iadonghon do piga-piga perlombaan aima: katekisasi untuk bapa pakon inang, lomba marcatur untuk bapa, bola volly, yel-yel, lari goni estafet, jujung botol pakon mewarnai untuk Anak Sikolah Minggu. Dear do mardalan haganup acara ai.

Bani ari Minggu, 4 September 2016, ipamasa do Pesta Olob-olob GKPS Resort Tarutung na marianan i GKPS Tarutung. Ipungkah marhitei kebaktian na iidangi Pdt. Tri Putri Saragih (mewakili Pimpinan Pusat)  janah bani kebaktian ibahen do perlombaan Vocal Grup pakon Fashion Show Anak Sikolah Minggu. Salpu kebaktian, itoruskon marhitei acara pesta Olob-olob, irik hujai ibahen do tortor mangalo-alo ganup kuria sa-resort. Taridah do ijai malas ni uhur ni kuria sa-GKPS Resort Tarutung. Kehadiran ni anggota ni kuria bani pesta ai iperkirakan ± 250 halak. Andohar ma marhitei Pesta Olob-olob on lambin ihamalaskon hita pasu-pasu na binere ni Naibata hubanta.

Pdt. Novita Dwiyana Purba


Artikel Lainnya:

Category: Berita