MANGGOLUH IBAGAS TITAH NI KRISTUS
Minggu Okuli

PARLOBEINI
Titah na Sapuluh in bahasa Ibrani ”Aseret had d’barim”, bani bahasa Yunani ”Dekalog” arti ni ‘Deka’ (sepuluh) dan ‘Log – logos’(kata). Jadi, ‘Dekalog’ mararti sepuluh kata, sepuluh firman atau
sepuluh perintah. Titah na Sapuluh in na terdiri humbani sepuluh firman aima sada bagian humbani butir-butir Hukum Tuhan na lang boi ipisahkon sada humbani na legan. Sepuluh Perintah Tuhan merupakan sada kesatuan na saling terkait janah mengikat. Pelanggaran bani salah sada butir hukum tersebut mararti melanggar keseluruhan humbani hukum ai, (Jakobus 2:10 Porini pe idalankon sada halak haganup titah in, hape ilanggar sada, parsalah do ia bani haganup). Titah na Sapuluh in/Dekalog mengandung sada makna konotasi na positif tarlobih bani fungsi ni aima melindungi Israel humbani gomgoman ni kuasa dousa. Titah sedo parentah, tapi buah karya holong ni Tuhan Naibata hubani Israel ase ulang magou, kahou janah daoh sidea humbani Naibata. Naibata paondoskon Dasa Titah-Ni in hubani si Musa sanggah i Dolog Sinai. Paima iondoskon Tuhan TitahNi in, situasi bangsa Israel sanggah marianan i parjabolonan ni Bangsa Masir sadokah lobih humbani empat ratus tahun. Marhitei holong ni Naibata, ipaluah do sidea laho luar humbani tanoh parjabolonan in manuju hubani tanoh bagah-bagah aima tanoh Kanaan. Hal on patugahkon bahasa bagas tumang do pangkaholongion ni Tuhan Jahowa hubani bangsa na pinilihNi, seng ra Naibata paturutkon bangsaNi mardalan ibagas goluh habutakon, hasamboron, tapi ase manggoluh ibagas Titah pakon holong ni Jahowa Naibata.

HATORANGAN TEKSbible-stack
Naibata patugahkon janah mempertegas pasal idop ni uhur pakon holongNi na mambere haluahon hubani Israel, marhitei kuasaNi ai ipaluah/na paluarhon ho hun tanoh Masir, hun rumah parjabolonanmu (ay.1-2). Bani holong ni Tuhan Naibata ai, isurahon janah iparentahkon Naibata do hubani Israel ase ulang marnaibata na legan sidea ibagas haporsayon ni sidea. Hargahon ma haluahon in, janah pasangap ma Naibata, haporsayai ma Tuhan Naibata, jonam ma pambalosion ni sidea dompak Tuhan Naibata. Pitah sada do Naibata ni Israel aima Naibata Yahweh, Sipambobai, Raja, na maningon sisombahon ni sidea (bdk. 1 Korint 12:5-6; 1 Tim.2:5). Bangsa Israel maningon pataridahkon goluh na saluju, mardaulat, taat janah patuh hubani parentah ni Naibata, lang adong unsur penolakan, pemberontakan, perlawanan na ipataridahkon bangsa Israel. Naibata Yahweh aima Naibata parsimburu, lang marosuh Tuhan anggo ibahen sidea gana-gana, lombu tuangan omas, barang suman-suman aha pe na ibabou i nagori atas, age na itoruh ibagas tanoh ronsi na ibagas bah itoruh ni tanoh. Atap ija pe ianan iatas talun on, lang tarjalo Tuhan anggo isombah sidea naibata na legan sobali Naibata ni Israel (ay.3-5). Haporsayaon bangsa Israel ibagas paradigma ”Monotheisme” (sada Tuhan) sedo Polytheisme (bahat tuhan) na isurahon Naibata manggoluh bani Israel. Anggo ibahen sidea naibata tandingan, maningon jumpah sidea do konsekuensi/upah aima uhuman ni Naibata do sidea (anak ni ronsi sundut patoluhon pakon paompatkon), tarlobih bani na marsogam ni uhur hubani Tuhan Naibata. Upah na manghaholongi Naibata janah na manghorjahon TitahNi aima manjalo idop ni uhurNi (ay.6).

Ojur-ojur ibagas parentah ni Naibata hubani Israel ase papansingkon goran ni Jahowa Naibata pakon papansingkon ari Sabat (ay.7-11) Hapansingon aima milik Naibata, bersumber humbani Naibata, janah Naibata do hapansingon in (1 Petrus 1: 16). Ulang mabutak hapansingon ni Naibata halani dunia on, hisap-hisap ni daging, dousa pakon parsahap na sumsam. Hapansingon ni goran ni Tuhan marati do ai ase goluh ni Israel marbuahkon sada hasaksian na manggoluh pasal goran ni Naibata na jagiah in. Ulang halani sumpah palsu, janji palsu pakon pasintongkon diri gabe tercemar, ternoda, mabutak goran ni Tuhan Naibata. Ari Sabat aima ari na pinapansing ni Jahowa, halani ai maningon marsombah hubani do haganupan bangsa Isarel/ halak na porsaya bani ari na pinapansing ni Tuhan Naibata, ulang halani horja, situasi na lang dear, ekonomi na sulit, paruntolon, pakon uhur na marayoh gabe lupa hita laho manombah Naibata sipanompa hita. Naibata domma mambere onom ari jolma in na laho berkreasi, beraktifitas, marhorja, tapi anggo ari papituhon in ari parsaranan ni Jahowa do ai (bandingkon pasal panompoaon ni Tuhan Naibata).

Pasangap namatoras maningon do taridah bani goluh na taat, daulat, uhur na patuh, holong, menghargai , manonggohon namatoras, halani ai do na gabe harosuh ni Naibata (ay.12). Mambahen marmalas ni uhur namatoras marhitei biak horja hadearon, prestasi, marparlahou ibagas hasintongan (bdk.3 Joh 1:4). Pasangapkon namatoras lang terbatas halani sosial ekonomi, ketidakberdayaan, hatuaon, pakon na legan. Pasangapkon namatoras aima buah holong ni Naibata na manjalir hubanta janah marbuah ma ai hubani rasa hormat niombah hubani na matoras ni. Jumpahan pasu-pasu/ penggenapan janji Naibata do niombah anggo gokkan dear pataridahkon holong janah pasangapkon namatoras ni (dokah manggoluh bani tanoh na iberehon ni Jahowa). Ai ganup halak, na mamapai bapani atap inangni maningon pamateion do; bapani ampa inangni do na pinapaanni, marsapata hubani ma daroh ni (bdk. 3 Musa 20:9).

Bandingkon hita bani Horja ni daging (Galatia 6:19-21). Pengontrolan diri bani hisap-hisap ni daging (mamunuh, marbangkis, manangko, manaksihon ladung, manguhur-uhuri arta ni hasoman. Ay. 13-17). Larangan na cukup tegas do ipaondos Naibata hubani Israel das hubanta haganupan, ase aha na adong banta humbani pasu-pasu ni Tuhan ai do na ihamalaskon (bdk. Kol.3:17) Manjaga janah manghuntam pamangan laho manaksihon hata na tongon. Hata na luar humbanta gabe hasaksian na manggoluh do in (Mat.5:37).

HAHONAAN
1. Mangkorjaahon Titah na Sapuluh in ibagas holong na humbani Jesus Kristus ase marmalas ni uhur Naibata mangidah horja, pangabak, parlahou ampa haporsayaonta.
2. Pataridahkon hita ma goluh ”Tri Hita Karana” aima : Hubungan na selaras janah seimbang dompak Tuhan Naibata, hasoman jolma pakon lingkungan.
3. Minggu Pesta Wanita : Laho paratahkon haporsayaon ni inang, ase gabe inang na lambin daulat, porman, bujur, gok ibagas habasaron, sabar, sipartonggo, siboan damei, sari janah manggoluh ibagas Titah ampa holong ni Kristus.

Pdt. Jhon Ricky R. Purba, S.Th, M.Si


Artikel Lainnya:

Category: Ambilan