“IJON DO AHU TUHANKU,SAI SURUH HAM MA AHU”

Partonggoan Pemuda GKPS Distrik I 

 

Sada tema na iangkat humbani teks ni ambilan Yesaya 6:8 na binoanni Pdt Rayonril D. Sinaga,S.Th sanggah panorang partonggoan Pemuda GKPS Sa-Distrik I  marianan i GKPS Bane Resort Siantar II,Minggu 12 Februari 2017.

 Tema on sangaja iangkat halani bani awal tahun 2017, aima bulan-bulan periodisasi bani kepengurusan ni Pemuda GKPS, ase tongon haganup Pemuda terkhusus Pemuda GKPS sa-Distrik I lambin tardilo ibagas toruh ni uhur,markomitmen tanpa dong na merasa ipaksa atap pe na iojur-ojur ni hasomanni. Ase tubuh tongon semangat  melayani ibagas ringgas pakon malas ni uhur,tarlobih ma ai bani kepengurusan ni Seksi Pemuda GKPS.

Bani ambilanni,Bapa Pandita padashon bahwasani buei do tokoh-tokoh Alkitab na ipakei Tuhan Naibata sanggah  panorang haposoonni, songon si Daud pakon Jesaya on, janah  mampu do sidea gabe pemimpin bani panorang ai. Ipakei Tuhan do sidea ibagas na luar biasa, aima marhitei  na ra marlajar, martoruh ni uhur, janah ra mamparimbagashon hata ni Naibata.

Bani ujung ni ambilanni, ipangindo Bapak Pendeta do komitmenn ni Pemuda,ase  lambin mambere dirini laho melayani i tongah-tongah ni seksi pemuda GKPS terkhusus na adong i Distrik I .

Humbani 17 Resort na adong i Distrik I , buei ni Pemuda na roh bani partonggoan ai aima 136 halak, mewakili 8 Resort : Siantar I,Siantar II,Siantar III,Siantar V,Batu Onom,Sion Siantar,Sitalasari Bahkapul,Pakon Resort Setia Negara. Antusias do  Pemuda na hadir bani partonggoan ai, na ibuktihon marhitei piga-piga Resort mambahen hasaksian marhitei persembahan pujian.

Janah bani ujungni ibadah, ibere do homa kesempatan hubani Pengurus-Pengurus pemuda jemaat na baru terpilih na dob marperiodisasi laho patandahon dirini hubani Pemuda naroh. Janah hubani Pengurus Pemuda Jemaat na lama pe na lape marperoidisasi, ibere do panorang mambahen kesaksian  marhitei kesan dan pesan sadokah bani kepengurusanni. Malas tumang do tongon uhur ni Pemuda na roh bani panorang ai.

Bani Panorang ai homa, Agri S Purba SE, Sebagai Ketua Umum pakon piga-piga Pengurus Pusat Seksi Pemuda GKPS na roh mandihuti partonggoan ai, dihut do mambere motivasi na gabe inspirasi i tongah-tongahni Pemuda GKPS,halani on ma homa partonggoan na parpudi bani kepengurusan ni Pengurus Pusat Seksi Pemuda GKPS Periode 2014-2017.Ketua Umum padashon hubani Pemuda GKPS,terkhusus Distrik I, ase mempersiaphon diri ni bei  gabe pemimpin-pemimpin baru i kepengurusan Pemuda GKPS. Ipadas do homa sada keistimewaan ni Pemuda GKPS Distrik 1,bahwa na gabe calon-calon na laho mangisi Kepengurusan  Pengurus Pusat Seksi Pemuda aima hun Distrik 1. Jadi ase botul-botul  ma  Pemuda GKPS Distrik 1 mempersiaphon dirini untuk ai. Periodesasi Pengurus Pusat Seksi Pemuda GKPS iadongkon sanggah  RPL Pemuda GKPS bani Tanggal 31 Maret – 2 April 2017,marianan I GKPS Sinasih Distrik V.

            Diateitupa  ma hubani tuan rumah na manghasuhuthon partonggoan ai. Tarimakasih hubani Pemuda GKPS Bane,Pimpinan Majelis Jemaat GKPS Bane,pakon Pengurus Resort Siantar II.

Lambin tarmulia janah tarbarita ma tongon goran ni Tuhan Naibata.Lambin sada ma homa Pemuda GKPS terkhusus Distrik I.

Diateitupa…Horas…Horas…Horas…

 

Herianto Sinaga

Korwil PGKPS Distrik I, Periode 2014-2017


Artikel Lainnya:

Category: Berita, Distrik 1